Ikanenu iê Ioso i di Kumbidila

BUETA

Ikanenu iê Ioso i di Kumbidila

“Ki kuala kizuelu kia kambe o ku di kumbidila ku izuelu ioso iambote ia Jihova Nzambi ienu.” —JOSUUÉ 23:14, NW.

MUKONDA DIAHI O BIBIDIA IA DI TUNGULA? Akua ku zambula m’ukulu a zuela ima iiadi ia difu ia-nda bhita, maji sumbala ni phata. Akua ku zambula ué lelu, kene uâ mu zambula mu kidi. O athu a zambula phala kuijiia ia-nda kuíza ku pholo, ene mu ki bhanga mu íii ia mona ia mu bhita, maji kene mu ku kanena mu kidi o ima ia-nda bhita ku hama a mivu ku pholo. Maji o ikanenu ia Bibidia izuelu ia kidi i di kumbidila, ‘io kanene ukulu ande dia ku bhita.’—Izaia 46:10.

MU KIFIKA: Ku hama jisamanu A.K.K., o polofeta Daniiele ua mono mu kisuma kia londekesa kuila o utuminu ua Mediia ni Pélesa eji u tolola ku utuminu ua Ngeléxia. Uambe ué kuila kála o utuminu ua Ngeléxia, “kivula-nguzu,” o utuminu iú eji u “bukula.” Nanhi ueji mu bhingana? Daniiele ua soneka: “Kua kà balumuka ma-utuminu mauana mu kifuxi kiene kimox’iki.”—Daniiele 8:5-8, 20-22.

IHI I ZUELA AKUA MISOSO: Kua bhitile kiá 200 ja mivu tundé mu izuua ia Daniiele, Alexandre o Dikota ua kituka sobha ia Ngeléxia. Mu dikuinhi dia mivu Alexandre ua tolola o Utuminu ua Mediia ni Pélesa, iu ua tumina o Ngeléxia ioso, katé mu ngiji ia indus (lelu tu i sanga ku Pakistão). Maji uafú mu 32 a mivu. Mu kusuka-ku o ita ia bhange ku Ipsos ku Azia Menor o utuminu uê uabhu. O kiuana kia nganhala o ita, a di uanena o Utuminu ua Ngeléxia. Maji se-ku muthu ua tundu o unguvulu ua Alexandre.

IHI I U BANZA? O kuila saí dingi divulu dia mukuá di tena ku tanga ni kidi kioso o ki kumbidilu kia kikanenu kiki? Anga o Bibidia ngó i tena ku bhanga kiki?

[Kilombuelelu ku mbandu 4]

“O ikanenu ioso ia Bibidia i dikumbidila . . . ki i tena ku di kumbidila kia ngó.”—A LAWYER EXAMINES THE BIBLE, BY IRWIN H. LINTON

[Foto ku mbandu 4]

O MULANGIDI