Kuht oraclah ma kuluk, sun mwe kweok, ac misac ke srihpen Adam ac Eve seahkos God. a Tuhsruhktuh, ma inge tiac kalmackihn muh wacngihnlac finsrak lasr. Jeova el oraclah inkacnek na wo! El acse Wen se nahtuhl, Jesus Christ tuh elan molikuhtlac liki ma kuluk ac misac. Bible uh luti lah misac lal Jesus orekmakihnyuck oacna mwe molwelah. Mwe molwelah pa luhpah se ma moullac in ahksukohsohkye sie mwet. Jesus el sang moul suwohswohs lal in oacna mwe mol kuh mwe lango. (Riti Matthew 20:28.) Ke srihpen Jesus el suwohswohs el kuh in moul ma pahtpaht fin facluh. Tuhsruhktuh, el inse muhlahlah in sang moul lal in fohlohkohnma ma nuhkewa ma tuhlac luhkwel Adam ac Eve. Ma inge ahkkahlwemye lah Jeova ac Jesus luhngse kuht na pwacye. Mwe lutlut se inge ac fah kahsre kom in ahkyohkye srui lom nuhke misac lal Jesus.

1. Misac lal Jesus kahsre kuht fuhkah ke pacl inge?

Ke srihpen kuht mwet sesuwohs, kuht oraclah ma ma ahkahsoryacl Jeova. Tuhsruhktuh, kuht fin auliyak na pwacye ke ma kuluk ma kuht oruh, kuht kuh in engankihn fototo wowo nuh sin God. Kuht enenuh pac in siyuck nuhnak muhnahs sin Jeova ke inkacnek lal Jesus Christ, ac oruh ke kuhiyacsr kewa in tiac sifwil oruh ma kuluk uh. (1 John 2:1) Bible uh fahk: “Christ el misac ke ma kuluk pacl sefanna in ahkfalye pacl nuhkewa; sie mwet suwohs el misac in ahollah mwet sesuwohs, tuh elan pwen kowos nuh yurin God.”​—1 Peter 3:18.

2. Ke pacl fahsruh uh, misac lal Jesus kuh in kahsre kuht fuhkah?

Jeova el suhpwaclma Jesus in kihsackihn moul suwohswohs lal “tuh elos nuhkewa suc luhlahlfongi in el [Jesus] fah tiac misac, a elos fah eis moul ma pahtpaht.” (John 3:16) Ke pacl na sa, Jeova el ac ahkwacngihnyelah ma upac nuhkewa ma tuhkuh ke seahkos lal Adam. Ma inge ac fah ahkpwacyeyuck ke srihpen ma Jesus el oruh. Pwacnacng, kuht fin luhlahlfongi ke mwe kihsac lal Jesus, kuht kuh in moul ma pahtpaht ke sie pacruhtais fin facluh!​—Isaiah 65:21-23.

 AHKYOHKYE LUTLUT LOM

3. Misac lal Jesus ahksukohsohkye kuht liki ma kuluk ac misac

1. Adam el mwet suwohswohs se. Tuhsruhktuh ke srihpen el seahkos God, mwet nuhkewa usrui ma kuluk ac misac

2. Jesus el mwet suwohswohs se. Ac ke srihpen el ahkos God, mwet uh elos kuh in moul ma pahtpaht ac eklac mwet suwohswohs

4. Ma wo ma mwet nuhkewa kuh in eis ke misac lal Jesus

 5. Mwe molwelah pa sie mwe sang luhn Jeova nuh sum

Mwet kawuck luhn Jeova elos nuhnkuh ke mwe molwelah oacna sie mwe sang nuh selos sifacna. Ke sie mwe puhpuhlyuck, riti Galatia 2:20, ac tohkohyang sramsramkihn kihsen siyuck se inge:

• Mwet sap Paul el ahkkahlwemye fuhkah lah mwe lango uh sie mwe sang nuh sel sifacna?

Ke pacl se ma Adam el oraclah ma kuluk, el ac tuhlihk nuhkewa nahtuhl nuhnuhnkweyuck tari in misac. Tuhsruhktuh Jeova el suhpwacma Wen se nahtuhl elan misac, tuh kuht kuh in moul ma pahtpaht.

Ke kom riti fuhs inge, srihke nuhnkuh lah meac Jeova el puhla ke pacl se Wen nahtuhl kweok. Riti John 19:1-7, 16-18, ac tohkohyang sramsramkihn kihsen siyuck se inge:

• Meac kom puhla ke ma Jeova ac Jesus oraclah nuh sum?

 MA KUHT LOTWELAH

Ke srihpen misac lal Jesus, Jeova el kuh in nuhnak muhnahs ke ma kuluk lasr uh ac kuht kuh in moul ma pahtpaht.

Kalweni

• Efuh kuh Jesus el misac?

• Ke inkacnek fuhkah moul ma Jesus el kihsackihn molikuhtlac liki ma kuluk ac misac?

• Meac misac lal Jesus kuh in oruh nuh sum?