Devid bin win Golaya bikɔs i bin abop pan Jiova. (1Sa 17:​45) Jiova de sho in pawa fɔseka in savant dɛn. (2Kr 16:​9) Aw wi go abop pan di ɛp we Jiova de ɛp wi ɛn nɔ abop pan di ɛkspiriɛns we wi gɛt ɔ wetin wi ebul fɔ du? Wi kin du dat dɛn tri we dɛn ya:

• Pre ɔltɛm. Nɔ jɔs pre fɔ mek Jiova fɔgiv yu we yu mek mistek, bɔt na fɔ pre fɔ mek i gi yu trɛnk nɔ fɔ du bad. (Mat 6:​12, 13) Nɔ jɔs pre fɔ mek Jiova blɛs wetin yu dɔn disayd fɔ du, bɔt bifo yu disayd pre mek i gi yu sɛns fɔ no wetin fɔ du.—Jem 1:​5

• Gɛt shɛdul fɔ rid ɛn stɔdi di Baybul. Rid di Baybul ɛvride. (Sam 1:​2) Tek tɛm tink bɔt Baybul ɛgzampul dɛn ɛn aplay di lɛsin dɛn we yu lan. (Jem 1:​23-25) Pripia bifo yu go prich nɔ abop pan di ɛkspiriɛns we yu gɛt. Pripia fɔ di mitin dɛn bifo yu atɛnd fɔ mek yu go bɛnifit

• Du wetin Jiova in ɔganayzeshɔn se. Tray fɔ no di nyu we dɛn we Jiova in ɔganayzeshɔn de dayrɛkt wi fɔ du tin ɛn nɔ westɛm fɔ du am. (Nɔm 9:​17) Lisin to di ɛlda dɛn we dɛn gi yu advays ɛn du wetin dɛn tɛl yu fɔ du.—Ibr 13:​17

WACH DI VIDIO WE GƐT DI TAYTUL, RIZIN NƆ DE FƆ FRED WE DƐN DE MEK WI SƆFA, DƆN UNA ANSA DI KWƐSTYƆN DƐN WE DE DƆŊ:

• Wetin na sɔntin dɛn we di brɔda ɛn sista dɛn bin de fred?

• Wetin bin ɛp dɛn fɔ bia pan ɔl we dɛn bin de fred?