Wan maredman ɛn in wɛf bin kɔmɔt na Vanuatu fɔ kam waka na di Bɛtɛl we de na Amɛrika. Dɛn bin tɔk se, “Wi kin fil fayn we wi mɛmba di tɛm we wi go waka na Bɛtɛl, wi nɔ go ɛva fɔgɛt dat.” Ɛn ɔl di bɔku bɔku pipul dɛn we kin kam waka na Bɛtɛl, de fil dis sem kayn we.

Yu dɔn ɛva kam waka na di Bɛtɛl bildin dɛn we de na Amɛrika? If yu nɔ du dat yet, yu wɛlkɔm fɔ kam.

Wɔl Ɛdkwata, Wɔwik, Nyu Yɔk. Yu go si tri say dɛn bak usay dɛn kin put tin dɛn fɔ lɛ pipul dɛn kam wach, ɛn yu kin go de fɔ yusɛf. Di fɔs wan gɛt di tim, “The Bible and the Divine Name,” i gɛt bɔku bɔku Baybul transleshɔn dɛn we gɛt Gɔd in nem. Di sɛkɔn wan gɛt di tim, “A People for Jehovah’s Name.” I de sho di istri bɔt Jiova Witnɛs dɛn. Di tɔd wan gɛt di tim, “World Headquarters​—Faith in Action.” I de sho aw Jiova Witnɛs dɛn ɔganayz fɔ mit togɛda, stɔdi di Baybul, prich to ɔda pipul dɛn, ɛn sho se dɛn lɛk dɛnsɛf. I go tek lɛk 20 minit bak fɔ mek pɔsin sho yu di rawnd di ɔfis bildin dɛn ɛn ɔda tin dɛn na Wɔwik.

Watchtower Educational Center, Patterson, New York. Lan mɔ bɔt di skul dɛn we de ya, lɛk di Wachtawa Baybul Skul na Giliad ɛn di Skul fɔ Branch Kɔmiti Mɛmba ɛn dɛn Wɛf Dɛn. Yu go si pikchɔ dɛn ɛn yu go wach fim dɛn we go ɛp yu fɔ no bɔt di wok we wi de du na ɔfis dɛn. Wok dɛn we gɛt fɔ du wit drɔin ɛn Odio/Vidio Savis.

Say Usay dɛn De Print ɛn Ship, Wɔlkil, Nyu Yɔk. Jɔyn di wan dɛn we go de fɔ sho yu rawnd di ples so dat yu go si aw dɛn de print Baybul dɛn ɛn buk ɛn magazin dɛn we de tɔk bɔt di Baybul, aw dɛn de du bayndin, ɛn aw dɛn kin ship dɛn to kɔngrigeshɔn dɛn na Amɛrika, Karebian, ɛn ɔda pat dɛn na di wɔl.

Duya, bifo yu mek arenjmɛnt fɔ travul, na fɔ sɛn yu fɔm na di say na wi Wɛbsayt usay dɛn kin sɛn fɔm dɛn fɔ kam waka na Bɛtɛl. Ɔnda da say de na wi Wɛbsayt, yu go si mɔ infɔmeshɔn dɛn bɔt di Bɛtɛl we de na Amɛrika, di say dɛn we dɛn de, ɛn aw lɔng i go tek fɔ waka rawnd dɛn bildin dɛn de.

Di wan dɛn we de wok na difrɛn dipatmɛnt dɛn na Bɛtɛl kin de wit pipul dɛn fɔ sho dɛn rawnd di ples. Dɛn de si dis kayn wok as dɛn yon we fɔ sɔpɔt di tichin wok ɔlsay na di wɔl. Dɛn dɔn tren bɔku pipul dɛn fɔ du dat, ɛn dɛn kin du am insay bɔku langwej dɛn.

Na fri.

Nɔ. Bɔku pan di wan dɛn we kin kam waka de nɔto Jiova Witnɛs dɛn. Di wan dɛn we na Jiova Witnɛs ɛn di wan dɛn we nɔto Jiova Witnɛs dɛnsɛf kin kam fɔ lan bɔt wetin Jiova Witnɛs dɛn de du fɔ sɔpɔt di wok ɔlsay na di wɔl.

Wan Muslim uman we kɔmɔt India bin kam waka na Patasin. We i dɔn, i bin tɔk se: “A go lɛk fɔ bi wan pan una. Una tɛnki fɔ di we aw una rili rɛspɛkt mi.”

Yɛs! Pikin dɛn go rili ɛnjɔy am if dɛn kam. Di tɛm we Jɔn bin kam waka, i bin rayt se: “Di pikin dɛn we bin de na wi grup stil de tɔk bɔt di tɛm we wi bin go waka na Bɛtɛl. Fɔstɛm, dɛn nɔ bin sabi ɛnitin nɔt Bɛtɛl bɔt naw dɛn dɔn mek am dɛn gol fɔ wok na Bɛtɛl.”

Yɛs, i pɔsibul. Yu kin ebul fɔ go waka na difrɛn kɔntri dɛn. Fɔ fɛn di say we yu go want fɔ go waka, go na di say we se Branch Ɔfis dɛn ɛn fɔ Kam Si di Wok we Wi De Du. Wi de wɛlkɔm yu fɔ kam si di wok we Jiova Witnɛs dɛn de du na di difrɛn branch ɔfis dɛn.