တၢးထီခိးတၢ် နီၣ်ဂံၢ် ၃ ၂၀၂၁ | နကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်အဂီၢ် နကဘၣ်မၤဒ်လဲၣ်
ခါဆူညါ နကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်အဂီၢ် နကဘၣ်မၤဒ်လဲၣ်. တၢ်ဂ့ၢ်လၢ လံာ်တဘ့ၣ်အံၤအပူၤန့ၣ် ကပာ်ဖျါထီၣ်ဝဲ တၢ်လၢပှၤအါဂၤ ဂုာ်ကျဲးစၢးမၤဝဲ ဒ်သိးအကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်အဂီၢ်. တကးဒံးဘၣ် နကသ့ၣ်ညါထီၣ်ဘၣ်လၢ ဒ်သိး နကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်အဂီၢ် တၢ်ဟံးစုနဲၣ်ကျဲ လၢနနာ်န့ၢ်အီၤသ့န့ၣ် အိၣ်ဝဲတခါ.
တၢ်အိၣ်မူလၢ တၢ်ဘၣ်ယိၣ်တအိၣ်ဘၣ် လၢပှၤကိးဂၤဒဲး လီကီဝဲ
လၢတၢ်တဆိကမိၣ်အပူၤ တၢ်မ့ၢ်ကဲထီၣ်အသး သတူၢ်ကလာ်န့ၣ် နဃုတၢ်ဟ့ၣ်ကူၣ်လၢ နနာ်န့ၢ်အီၤသ့ ကသ့ဖဲလဲၣ်.
နတၢ်အိၣ်မူလၢခါဆူညါန့ၣ် ဒိးသန့ၤထီၣ်အသးလၢ တၢ်မနုၤလဲၣ်
ပှၤအါဂၤလၢ အနာ်ဝဲ တၢ်ဒွးဆၣ်ဧိၤဖီဧိၤ, တၢ်ဘ့ၣ်ဘၣ်လၢ ပှၤဒွးတၢ်ကၢ်တၢ်အဂီၢ်, တၢ်ဘူၣ်ထီၣ်ဘါထီၣ် မိၢ်ပၢ်ဖံဖု လၢအသံတ့ၢ်တဖၣ် ဒီးပှၤလၢအနာ်ဝဲ ပှၤသံဟဲကတၢထီၣ်က့ၤန့ၣ် အဝဲသ့ၣ် ဆိကမိၣ်ဝဲလၢ အတၢ်အိၣ်မူလၢ ခါဆူညါအဂီၢ်န့ၣ် ဒိးသန့ၤထီၣ်သးလၢ တၢ်ဟဲဝံ.
တၢ်ကူၣ်ဘၣ်ကူၣ်သ့ ဒီးကျိၣ်စ့န့ၣ် ဟ့ၣ်ပှၤတၢ်အိၣ်မူလၢ အဂ့ၤကသ့ဧါ
ပှၤအါဂၤ သ့ၣ်ညါထီၣ်ဘၣ်ဝဲလၢ တၢ်ကူၣ်ဘၣ်ကူၣ်သ့လၢ အပတီၢ်ထီ ဒီးတၢ်ထူးတၢ်တီၤန့ၣ် တမၤစၢၤအဝဲသ့ၣ် ဒ်အမုၢ်လၢ်ဝဲအသိးဘၣ်.
နမ့ၢ်မၤတၢ်ဂ့ၤန့ၣ် မ့ၢ်နကအိၣ်မူဘၣ် တၢ်အိၣ်မူလၢအဂ့ၤဧါ
ပကဘၣ်ကဲ ပှၤလၢအဂ့ၤန့ၣ် အရ့ဒိၣ်ဒိၣ်မး. ဘၣ်ဆၣ် ခါဆူညါ ဒ်သိးပကအိၣ်မူဘၣ် တၢ်အိၣ်မူလၢအဂ့ၤအဂီၢ် ထဲလၢပကဲပှၤအဂ့ၤန့ၣ် တလၢပှဲၤဒံးဘၣ်.
လၢခါဆူညါအဂီၢ် တၢ်ဟံးစုနဲၣ်ကျဲလၢ နနာ်န့ၢ်အီၤသ့န့ၣ် နဃုထံၣ်န့ၢ်အီၤ ကသ့ဖဲလဲၣ်
တချုးလၢ ပမၤတၢ်ဆၢတဲာ်ဒံးဘၣ်အခါ ညီနုၢ်န့ၣ် ပဃ့တၢ်ဟ့ၣ်ကူၣ်လၢ ပှၤလၢအသးပှၢ်န့ၢ်ပှၤ ဒီးပှၤလၢ အအိၣ်ဒီးတၢ်လဲၤခီဖျိ အါန့ၢ်ဒံးပှၤတဖၣ်အအိၣ်. ဒ်န့ၣ်အသိး လၢပတၢ်အိၣ်မူလၢ ခါဆူညါအဂီၢ် တၢ်ဟံးစုနဲၣ်ကျဲလၢ ပနာ်န့ၢ်အီၤသ့န့ၣ် ပဒိးန့ၢ်ဘၣ်အီၤသ့.
နတၢ်အိၣ်မူလၢ ခါဆူညါအဂီၢ်န့ၣ် နဃုထၢအီၤသ့
နအိၣ်ဒီးတၢ်ဃုထၢ မနုၤတဖၣ်လဲၣ်.
ခါဆူညါ နကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်
နကအိၣ်မူဘၣ် တၢ်အိၣ်မူလၢ တၢ်ဘၣ်ယိၣ်တအိၣ်ဘၣ်အဂီၢ် တၢ်မနုၤမၤစၢၤနၤသ့လဲၣ်.
