လံာ်စီဆှံတဲဝဲဒ်လဲၣ်
ဒ်သိးနတၢ်သူၣ်ကိၢ်သးဂီၤ ကလီၤစှၤအဂီၢ် လံာ်စီဆှံမၤစၢၤနၤကသ့ဧါ
နကစံးဆၢဒ်လဲၣ်
သ့
တသ့ဘၣ်
ဘၣ်သ့ၣ်သ့ၣ်
လံာ်စီဆှံတဲဝဲဒ်လဲၣ်
“ကယဲၢ်သုတၢ်ဘၣ်ယိၣ်ဘၣ်ဘီန့ၣ်, ပာ်ထီၣ်လၢ [ယွၤ] အလိၤခဲလၢာ်တက့ၢ်. အဂ့ၢ်ဒ်အံၤ, အသးအိၣ်သုလီၤ.” (၁ ပ့းတရူး ၅:၇) လံာ်စီဆှံအၢၣ်လီၤနၤလၢ ကစၢ်ယွၤကမၤစၢၤနၤ ဒ်သိးနတၢ်သူၣ်ကိၢ်သးဂီၤ ကလီၤစှၤဝဲအဂီၢ်လီၤ.
ပမၤလိအါထီၣ်တၢ်ဂ့ၢ်အဂၤလၢ လံာ်စီဆှံအပူၤကသ့ဒံးဧါ
ခီဖျိလၢတၢ်ထုကဖၣ်အဃိ နကအိၣ်ဒီး “ယွၤအတၢ်ဃူတၢ်ဖိး” လၢအမၤလီၤစှၤ နတၢ်သူၣ်ကိၢ်သးဂီၤသ့ဝဲန့ၣ်လီၤ.—ဖံလံးပံၤ ၄:၆, ၇.
တကးဒံးဘၣ် နမ့ၢ်ဖးလံာ်စီဆှံန့ၣ် နတၢ်ကိၢ်တၢ်ဂီၤကလီၤစှၤဝဲလီၤ.—မးသဲ ၁၁:၂၈-၃၀.
မ့ၢ်ပတၢ်သူၣ်ကိၢ်သးဂီၤ ကလီၤမၢ်ကွံာ်ဝဲတဘျီဘျီဧါ
ပှၤတနီၤနီၤနာ်ဝဲလၢ. . .ပမ့ၢ်ပှၤဟီၣ်ခိၣ်ဖိလၢ အတလၢတပှဲၤဘၣ်အဃိ ပတၢ်အိၣ်မူပှဲၤဒီး တၢ်သူၣ်ကိၢ်သးဂီၤလီၤ. မ့မ့ၢ်ပှၤအဂၤတနီၤနာ်ဝဲလၢ လၢခံတဃၣ်န့ၣ် ပတအိၣ်ဒီးတၢ်သူၣ်ကိၢ်သးဂီၤလၢၤဘၣ်. မ့မ့ၢ်နၤန့ၣ် နဆိကမိၣ်ဒ်လဲၣ်.
လံာ်စီဆှံတဲဝဲဒ်လဲၣ်
ကစၢ်ယွၤကမၤလီၤမၢ်ကွံာ် တၢ်လၢအဒုးအိၣ်ထီၣ် ပတၢ်သူၣ်ကိၢ်သးဂီၤတဖၣ်န့ၣ်လီၤ. လံာ်စီဆှံတဲဝဲလၢ “တၢ်သံတအိၣ်လၢၤဘၣ်, ဒီးတၢ်သူၣ်အုးသးအုးတအိၣ်လၢၤဘၣ်, ဒီးတၢ်ဟီၣ်တၢ်ယၢၤတအိၣ်လၢၤဘၣ်, ဒီးတၢ်ဘှံးသူၣ်ဘှံးသးတအိၣ်လၢၤဘၣ်.”—လီၣ်ဖျါ ၂၁:၄.
ပမၤလိအါထီၣ်တၢ်ဂ့ၢ်အဂၤလၢ လံာ်စီဆှံအပူၤကသ့ဒံးဧါ
လၢကစၢ်ယွၤအဘီမုၢ် အတၢ်ပၢဖီလာ်န့ၣ် ပှၤဟီၣ်ခိၣ်ဖိကအိၣ်မူဘၣ် မုာ်မုာ်ခုၣ်ခုၣ်လီၤ.—ယၡါယၤ ၃၂:၁၈.
ပှၤဟီၣ်ခိၣ်ဖိ အတၢ်ဘၣ်ယိၣ်ဘၣ်ဘှီဒီး တၢ်ကိၢ်တၢ်ဂီၤန့ၣ် ကလီၤမၢ်ကွံာ်ဝဲလီၤ.—ယၡါယၤ ၆၅:၁၇.
