Biblia kele na nduenga ya mbote kuluta samu na kuzinga. Kana nge kena kutanga mpe kuyindula na yau mbala na mbala mpe nge kena kusadila mambu yina nge kena kulonguka, ‘nge kenungisa’ nzila na nge. (Yosua 1:8; Nkunga 1:1-3) Nge kezaba diaka Nzambi mpe Muana na yandi, Yesu, mpe nzayilu yango lenda nata na vuluzu.—Yoane 17:3.

Na yinki mulongo nge fueti tanga mikanda ya Biblia ? Nge lenda pona. Programe ya ntangulu ya Biblia kesadisa nge nge tanga mikanda ya Biblia na mulongo yina yamesonamina to na kulanda masolo ya Biblia. Na kifuani, nge lenda tanga bitini yankaka samu na kubaka dibanza na disolo ya nguizani ya Nzambi na Yisaele ya ntama. Nge lenda tanga kitini yankaka samu na kuzaba yinki mutindu kimvuka ya Baklisto ya siekle ya ntete bandaka mpe ya kendaka na ntuala. Kana nge kena kutanga bikapu mutindu ya mebongisama, nge lenda tanga Biblia na mvimba na yau na mvula mosi.

Kana nge kena kusosa programe ya ntangulu ya Biblia ya konso kilumbu, programe ya ntangulu ya Biblia ya mvula mosi, to programe ya ntangulu ya Biblia samu na bantu yina mebanda bosi, programe yayi kesadisa nge. Telesharje programe ya ntangulu ya Biblia na papie, mpe banda kutanga yau bubu yayi.