Wantu ayingi beyindulanga vo e mambu mu mvu wa 2024 ke mesoba ko. Kansi, oyeto tulenda kala ye vuvu kia kusentu. Mu kiampila?

 E Bibila kisianga e nsilu vo Nzambi osinga fokola e mpasi tunuananga zau o unu ezi zidimbulanga e vuvu. Ke kolo ko, Nzambi “Okunguna mansanga mawonso muna meso [meto], o lufwa ke lukala diaka ko, ngatu kala diaka dilu, yovo kazu ngatu mpasi.”—Lusengomono 21:4.

•   Muna zaya diaka mayingi mu kuma kia nsilu mia Bibila mia kusentu, tanga e longi “Vuvu Kiasikila kia Kusentu.”

 E vuvu kikutuvananga e Bibila kilenda kutusadisa mu sunda e ngindu zambi yo kala ye ngindu zasikila. (Roma 15:13) Muna Bibila muna mpe ye malongi mamfunu malenda kusadisa mu zizidila e mpasi onuananga zau o unu nze, kondwa kwa nzimbu, mambu malembi songa ye mayela.

•   Tala una e vuvu kia Bibila kiasadisila muntu mosi mu solola luvuvamu ye kiese kana una vo mu zunga kia usukami kasansukila. Tala e video Juan Pablo Zermeño: Graças a Jeová, Agora a Minha Vida Tem Sentido.

•   Zaya una e Bibila kilenda kusadisila mu nuana yo lukendalalu, ntelamw’a moyo ye ntantu za fwilwa o muntu tutoma zolanga. Tanga e longi “Posso encontrar palavras de consolo na Bíblia?”

•   Tala una nkento mosi wakala soladi, ye wayibadikilanga vo ‘muntu ambi ye katokanenanga e wete dia akaka ko,’ wasolola e vuvu muna lusadisu lwa Bibila. Tala e video Deixei as Armas para Trás.

 Nga ozolele vo e mvu wa 2024 wakala se mvu wambote kwa ngeye ye kwa esi nzo aku? Tambulwila e Longoka e Bibila Muna Lusadisu lwa Muntu Ankaka yo mona una Bibila kilenda kusadisila. Zaya una o Nzambi kalenda kuvanina “ngindu za luvuvamu” owau ye “vuvu kiasikila kuna sentu.”—Yeremiya 29:11