Kina kia 27 kia Yanuali ya mvu wa 2023, wantu ayingi bekala muna Luyindulu lwa Ndonga Yavondwa. Mvu 75 miviokele kala tuka e vangu diadi dia nsoki diavangamena. Nanga ediadi dilenda kufila muna kukiyuvula, ekuma Nzambi kayambulwila vo e Ndonga Yavondwa?

•   Muna solola dina Bibila kivovanga, tanga e longi “Ekuma Ayadi a Nazi Bavondela Ulolo wa Ayuda? Ekuma Nzambi Kasimina Diambu Diadi Ko?”

 Ayuda babukumunua muna kolo kiakina kia vondwa e ndonga. Mafunda ye mafunda bavondelwa kuna lukanu. Ke Ayuda kaka ko bavondwa muna kolo kiakina. Muna ndonga ina yavondwa, akaka muna yau i Mbangi za Yave babangikwanga mu kuma kia lukwikilu lwau muna Bibila.

•   Muna zaya diaka mayingi, tanga e longi, “O que aconteceu com as Testemunhas de Jeová durante o Holocausto?”

 Wantu ayingi bekalanga ye wonga vo e vangu diadina dia nsoki dilenda vangama diaka. Kansi, e Bibila kivovanga vo e mavangu ma mpila yayi, ke mekala diaka ko kuna sentu.

•   “‘Kadi nzeye ngindu zame mu kuma kieno,’ u kavovele o Yave, ‘ngindu za luvuvamu ke ngindu zambi ko, nzolele kunuvana e vuvu ye zingu kiasikila kuna sentu.”—Yeremiya 29:11. a

 O nsilu wau ulungana vava Yave wa Nzambi kevanga e diambu muna fokola o bi ye mfwilu miawonso utwasanga. Tala e mambu kevanga ke kolo ko:

•   Ofwasa awana bemwesanga akaka e mpasi.—Ngana 2:22.

•   Owuka awonso bemonanga e mpasi.—Lusengomono 21:4.

•   Ofutumuna awana bafwa kimana bazingila ova ntoto.—Yoane 5:28, 29.

 Olenda bunda e vuvu muna nsilu mia Bibila emi mifiaulwisanga o wantu. Muna zaya ekuma, tulombele wamokena ye Mbangi a Yave kimana kalongokanga yaku e Bibila, kufuta nzimbu ko.