ЫЙЫК КИТЕПТЕ МЫНДАЙ ДЕЛЕТ: «[Кудай] силерге асмандан жамгыр жаадырып, берекелүү мезгилдерди тартуулап, тамак-ашты мол берип, жүрөгүңөрдү кубанычка толтуруп келген» (Элчилер 14:17).

БУЛ ЭМНЕНИ БИЛДИРЕТ? Айланабызда бизди курчап турган нерселердин баары — Жаратканыбыздын белеги. Ошол белектердин баарын берген Кудайдын канчалык камкор экенин билсеңер, анда аларды ого бетер баалап каласыңар.

ЫЙЫК КИТЕПТЕ МЫНДАЙ ДЕЛЕТ: «Адилдикти, акыйкаттыкты, чынчылдыкты — жакшылыктын бүт жолун түшүнөсүң» (Накыл сөздөр 2:9).

БУЛ ЭМНЕНИ БИЛДИРЕТ? Кудай силерди жараткандыктан бактылуу болушуңар үчүн силерге эмне керек экенин жакшы билет. Ыйык Китепти изилдеп көрсөңөр, азыртадан эле пайдасын тийгизе турган акыл-насааттарды билесиңер.

ЫЙЫК КИТЕПТЕ МЫНДАЙ ДЕЛЕТ: «Кудай жөнүндөгү билимди табасың» (Накыл сөздөр 2:5).

БУЛ ЭМНЕНИ БИЛДИРЕТ? Эгер Жараткандын бар экенин изилдеп-билсеңер, төмөнкү маанилүү суроолорго жооп аласыңар: «Жашоонун маңызы эмнеде? Эмне үчүн азап-кайгы ушунчалык көп? Адам өлгөндө эмне болот?» Мына ушул суроолорго Ыйык Китептен канааттандырарлык жоопторду табасыңар.

ЫЙЫК КИТЕПТЕ МЫНДАЙ ДЕЛЕТ: «Мен силерге байланышкан ой-ниетимди жакшы билем,— дейт Жахаба.— Силерге алаамат эмес, тынчтык берүүнү, келечек менен үмүт берүүнү ниет кылып жатам» (Жеремия 29:11).

БУЛ ЭМНЕНИ БИЛДИРЕТ? Кудай келечекте бүт жамандыкты, азап-кайгыны, атүгүл өлүмдү жок кыларын убада кылган. Буга ишенсеңер, ушундай жаркын келечекке болгон үмүтүңөр турмуштагы кыйынчылыктарды көтөрүп кеткенге жардам берет.