Kâni. Bibila ka ditâka ko ti mbongo za mbi zena; ka ditâka ko mpe ti ni mbongo zitulumunaka misamu mia mbi mi tu turilaka. Ntêlo ya “mbongo mbi yayansoni zitulumunaka”, ntêlo ya Bibila yena yilembolo ya lunga mpe yiwubakasaka bantu. Diangana Bibila ditâka ti: “Luzolo lwa mbongo ni mbatukulu ya misamu miamiansoni mia mbi.” a​—1 Timote 6:10, NWT.

•  Bwe Bibila ditâka mu mbongo?

•  Mu bungu dia nti Bibila ditulwengesaka mu luzolo lwa mbongo?

•  Bwe tulendi bakila ndandu mu mitieno mia Bibila mitariri mbongo?

•  Verse za Bibila zizonzelaka mbongo

 Bibila ditâka ti, tamana sarila mbongo na ndwenga, tulendi za bakila ndandu mpe zilendi “tukengerela.” (Ekleziaste 7:12) Musamu wakaka, Bibila mu mpila ya mbote dizonzelaka bô basongelaka lukabu kwe bantu bakaka bu babahanaka mbongo.​—Bingana 11:25.

 Kâ Bibila beto dilwengesaka mpe mu lembo sa ti mbongo zabâ tima tiyôkele mfunu mu luzingu lweto. Ditêle: “Ndiatulu’eno ka yibândi mu luzolo lwa mbongo. Yangalaleno kwa mu bio bie neno.” (Bahebre 13:5) Bibila ditulombele mu sarila mbongo bubote na mu lembo kuma bimwvama. Bubote bu tuyangalale mu bima bia mfunu bie neto ntiana: bidia, binkuti na mbuka ya sekela.​—1 Timote 6:8.

 Bantu bê na suka ka babaka luzingu lwa mankululu ko. (Bisi-Efeze 5:5) Diangana, suka nsambululu ya biteki yena peleko nsambululu ya bungungu. (Bisi-Kolose 3:5) Musamu wakaka ni wena’eti, muntu wena suka mu baka bio bie nandi nsatu mitieno mie kô balembo vutu zitisaka. Bingana 28:20 yitêle ti bô “[bazoloko] mu kulu bâ mwvama ka kondo’â misamu ko.” Bantu bô balendi yirika misamu milembolo mia delakana ntiana bungungu, bwivi, bumbaki, miangu mpe balendi honda muntu.

 Tala ti luzolo lwa mbongo ka lutulumunaka mpasi ko ntangu zazansoni, misamu miakaka mia mpasi milendi tu tûrila. Bibila ditêle ti “bô bê na kani dia bâ mvwama mu ntontolo babwaka, mu mutambu, na mu nsatu zazingi zilembolo za delakana na za mpasi zi nata bantu ku mfukulu na ku bumputu.”​—1 Timote 6:9.

 Muntu wo wulembo vwezaka mitieno miandi mia ndiatulu na mia timpeve mu bâ na mbongo zazingi, mbo katizitisaka yandi beni mpe Nzambi yandi katambuluka na moko kamuyikilaka. Kwe bô basarilaka ngolo mu yangirika Nzambi, Yandi bakanisini ti: “Kani kabwe, ka nikubika ko, kani kabwe ka nikuyambirika ko.” (Bahebre 13:5, 6) Mpe lukwikulu elu kata bahana “Muntu wa kwikama mbo kabaka tusakumunu twatwingi.”​—Bingana 28:20.