Biblia elobi nini?
Mokolo mosusu bosembo ya solosolo ekozala awa na mabele?
Okopesa eyano nini
Ɛɛ
Te
Ntango mosusu
Oyo Biblia elobi
“Nayebi malamu ete Yehova akosala nyonso mpo akɔtela Moto ya mpasi na likambo na ye, na lisambisi ya babola.” (Nzembo 140:12) Bokonzi ya Nzambe ekomema bosembo ya solo na mabele.
Oyo Biblia elobi lisusu na likambo yango
Nzambe azali komona makambo ya kozanga bosembo oyo ezali kosalema na mokili mpe akolongola yango.—Mosakoli 5:8.
Bosembo ya Nzambe ekomema kimya na mabele mpe bato bakobanga lisusu eloko te.—Yisaya 32:16-18.
Nzambe azwaka bato boye na valɛrɛ koleka bato mosusu?
Bato mosusu bakanisaka ete Nzambe apambolá to alakelá mabe mwa etuluku moko ya bato, bato mosusu mpe bakanisaka ete Nzambe azwaka bato nyonso ndenge moko. Okanisi nini?
Oyo Biblia elobi
“Nzambe aponaka bilongi te, kasi na ekólo nyonso moto oyo azali kobanga ye mpe azali kosala makambo ya boyengebene andimami na ye.” (Misala 10:34, 35) Na miso ya Nzambe bato nyonso bazali ndenge moko.
Oyo Biblia elobi lisusu na likambo yango
Biblia ezali na “nsango malamu” mpo na “bikólo nyonso mpe mabota nyonso mpe minɔkɔ nyonso mpe mikili nyonso.”—Emoniseli 14:6.
Talá mpe...
BIYANO NA MITUNA YA BIBLIA
Bampasi na biso eutaka epai ya Nzambe?
Mpasi ekoki kozwa moto nyonso, ata bato oyo Nzambe andimaka. Mpo na nini?
BIBLIA EBONGOLAKA BATO
Nalingaki kosilisa kozanga bosembo
Rafika akɔtaki na lisangá moko ya batomboki mpo na kotɛmɛla makambo ya kozanga bosembo. Kasi amonaki elaka ya Biblia oyo elobeli kimya mpe bosembo na Bokonzi ya Nzambe.
