08/08/2019
PAYS-BAS
Utrecht, Pays-Bas—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 02-04/08/2019
Esika: Jaarbeurs Hallencomplex, na Utrecht, Pays-Bas
Programɛ esalemaki na minɔkɔ oyo: Anglais, Arabe, elobeli ya bababa ya Néerlandais, Espagnol, Néerlandais, Papiamento, Polognais, Portugais, Twi
Motángo eleki monene: 42 335
Bato oyo bazwaki batisimo: 212
Bandeko oyo bautaki na mikili ndenge na ndenge: 6 000
Bafiliale oyo ebengisamaki: Australasie, Belgique, Brésil, Canada, Colombie, Corée, États-Unis, Indonésie, Portugal, Roumanie, Afrika ya Sudi, Suriname
Makambo ya malamu oyo ebendaki likebi ya bato: Ndeko mobali moko oyo asalaka bopɛto na lopango ya Jaarbeurs Hallencomplex. Mokonzi na ye ya mosala abengaki ye mpe ayebisaki ye boye: “Na ntango oyo, ezali na bato oyo basengeli kosala makambo nyonso oyo toyokanaki, mpe na mikolo ezali koya: bakopɛtola lopango mpe bazwi bibongiseli ya kosala nyonso mpo bátika lopango na biso pɛto. Na ntembe, bakokómisa lopango oyo lisusu kitoko koleka ndenge ezalaki liboso tópesa bango nzela. Ezali kokamwisa mpenza! Namoná naino likambo ya boye te. Bapɛtolaki mpe bisika ya restora oyo basalelaka yango lisusu te! Na twalɛti, ezali na bato mibale oyo bazali kosalisa basusu; mpe soki likambo moko esalemi esika moko boye, kozanga koumela bato bazali koya kobongisa yango! Mbala ya liboso namona likambo ya boye.”
Bandeko basi mpe mibali ya Pays-Bas bazali na libándá ya mpɛpɔ mpo na koyamba bandeko oyo bauti na mikili ndenge na ndenge
Bandeko ya Betele bazali kopesa bandeko oyo bauti na mikili ndenge na ndenge mbote ntango bazali kosala vizite na filiale ya Pays-Bas
Ndeko mwasi oyo auti na mokili mosusu ná ndeko mwasi mosusu ya Pays-Bas bazali kobengisa mwasi moko na liyangani
Bandeko basi mpe mibali bazali kolanda programɛ ya liyangani na ndako monene ya Jaarbeurs Hallencomplex. Ezalaki mpe na bisika mosusu mitano epai bandeko bazalaki kolanda liyangani yango
Mwa ndambo ya bandeko ya sika 212 bazali kozwa batisimo
Bandeko basi mpe mibali bazali kolanda na likebi nyonso mpe bazali kozwa banɔti na ntango ya liyangani
Bandeko oyo bauti na mikili mingi bazali kopesana bakado
Ndeko Geoffrey Jackson, ya Lisangani ya Mikóló-Bakambi, azali kosala diskur ya nsuka na mokolo ya lomingo
Bamisionɛrɛ mpe bandeko oyo bamipesa kaka na mosala ya ntango nyonso bazali kopesa mbote ya nsuka na bayangani na nsuka ya liyangani
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
