20/6/2019
MEXIQUE
Monterrey, Mexique—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 07-09/06/2019
Esika: Stade ya BBVA Bancomer na Monterrey, na ekólo Mexique
Programɛ esalemaki na minɔkɔ oyo: Anglais, Elobeli ya bababa ya Mexique, Espagnol
Bisika oyo balandaki programɛ ya liyangani yango: Bisika 38 na bikólo 6 ekeseni (Costa Rica, Guatemala, Honduras, Mexique, Nicaragua, mpe Panama)
Motángo eleki monene: 39 099
Bato oyo bazwaki batisimo: 393
Bandeko oyo bauti na mikili ndenge na ndenge: 4 682
Bafiliale oyo ebengisamaki: Argentine, Brésil, Colombie, Espagne, États-Unis, France, Italie, Japon, Paraguay, Pays-bas, Pérou
Likambo oyo ebendaki likebi ya bato: Roberto Valero, momonisi ya mokonzi ya engumba Guadalupe, akendaki kotala esika ya liyangani na mokolo ya pɔsɔ. Longola makambo mosusu, alobaki boye: “Guvɛrnema na biso ezali na mokano ya kotya kimya mpe kobatela bato. Mpe bino, Batatoli ya Yehova, bopesi mpenza mabɔkɔ mpo na yango mpo bazali bana-mboka malamu. Bato nyonso ya engumba bayebi ete bozali bato malamu.”
Bandeko basi mpe mibali bazali koyamba bandeko oyo bauti na mikili ndenge na ndenge na Aéroport International ya Monterrey
Bandeko oyo bauti na mikili ndenge na ndenge bakómi na esika ya liyangani oyo ezali na ngomba moko kitoko oyo babengi Mont Silla ndenge ezali komonana na nsima
Ndeko Mark Sanderson, ya Lisangani ya Mikóló-Bakambi, azali kosala diskur ya nsuka ya mokolo ya mitano
Moto moko azali kozwa batisimo na mokolo ya pɔsɔ na pisini moko oyo ebongisamaki mpo na liyangani
Bandeko oyo bauti na mikili ndenge na ndenge bazali kolanda na likebi nyonso programɛ ya liyangani
Bandeko oyo bamipesá kaka mpo na mosala ya ntango nyonso oyo bayei na liyangani bazali kopɛpa mabɔkɔ mpo na kopesa bayangani mbote na mokolo ya nsuka ya liyangani
Libota moko oyo euti na Apodaca, na Mexique, esimbi elamba oyo bakomi: ‘Tolingaka bino’
Ndeko moko oyo auti na mboka mopaya mpe ndeko mwasi moko ya mboka yango bazali na mosala ya kosakola na Monterrey
Bandeko oyo bauti na mikili ndenge na ndenge bazali kosepela na mabina moko ya bato ya nɔrdi ya Mexique oyo babengaka Polka Norteña
Bandeko basi bazali kobina mabina ya mboka na bango na etúká Jalisco, na Mexique
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
