Likalabo Kwa Lipuzo za Bibele
Kana babashwile bakapila hape?
Kusina kukakanya mubupi waakona kuzusa batu babashwile
Jehova Mulimu ki yena yafa lika kaufela zepila bupilo. (Samu 36:9) Ki lona libaka hakatahisa kuli babashwile bapile hape. Bibele ilukolwisa kuli Mulimu ukazusa batu babashwile. (Mubale Likezo 24:15) Kono ki kabakalañi Mulimu hakazusa babashwile?
Mubupi waluna naalelile kuli batu bapile kuya kuile fa lifasi. (Genese 1:31; 2:15-17) Mi haasika cinca mulelo wahae wo. Haikutwangi hande kulubona inze lunyanda ni kupila nako yekuswani feela.—Mubale Jobo 14:1, 14, 15.
Batu babaka zusiwa kwa bafu bakapila kai?
Kana Mulimu naabupile batu ka mulelo wa kuli bapile kwa lihalimu? Batili. Mulimu naabupile mangeloi kuli apile kwa lihalimu. Kono batu bona naababupile kuli bapile fa lifasi. (Genese 1:28; Jobo 38:4, 7) Munyakisise limakazo zanaaezize Jesu za kuzusa batu babashwile. Batu banaazusize, nebazwezipili kupila fa lifasi ona fa. Ka mukwa oswana, buñata bwa batu babaka zusiwa kwa bafu, bakapila fa lifasi ona fa.—Mubale Joani 5:28, 29; 11:44.
Nihakulicwalo, Mulimu uketile batu ba palo yelikani kuli bazuhele bupilo bwa kwa lihalimu, ko bakayo pila sina libupiwa za moya. (Luka 12:32; 1 Makorinte 15:49, 50) Batu babaka zusezwa kwa lihalimu, bakayo ba malena hamoho ni Kreste mi bakabusa lifasi.—Mubale Sinulo 5:9, 10.
Hape Mwendi Mwakona Kutabela Litaba Ze
TAWALA YA MULIBELELI
Ki Lika Mañi Zekona Kumitusa Kuba ni Sepo Yakuli Babashwile Bakazuha?
Bibele ilufa mabaka amabeli a utwahala hande alutusa kuba ni sepo yakuli zuho ikabateñi.
LIKALABO KWA LIPUZO ZA BIBELE
Zuho ya Bafu ki Nto Mañi?
Mwendi mukakomoka hahulu hamuka ziba kuli ki bo mañi babaka zusiwa kwa bafu.
LIKALABO KWA LIPUZO ZA BIBELE
Ki bo Mañi Babakaya Kwa Lihalimu?
Mubonelo wa kuli batu babande kaufela bakaya kwa lihalimu ufosahalile. Bibele ilutañi luli?
