Bantu bamo balañanga’mba i kutupu muswelo wa kunyema makambakano asa kuponena ino ntanda mu 2024. Ino tubwanya kusokola lukulupilo pa būmi bwa kumeso. Kwepi?

 Bible i mulaye amba Leza ukatalula makambakano otutanwa nao mu būmi dyalelo, alengeja twimone bu bantu bampikwa lukulupilo. Panopano, Leza, “ukapampulanga impolo yonso mu meso abo, ne lufu kelukekala’kopo dikwabo, nansha madilo nansha miyoa nansha misanshi mine keikekala’kopo monka.”—Kusokwelwa 21:4.

•   Pa kuyukila’ ko milao mivule ya mu Bible itala būmi bwa kumeso tanga kishinte “Lukulupilo lwa Bine lwa Būmi Bulumbuluke bwa Kumeso.”

 Bible uletanga lukulupilo lwa būmi bwa kumeso lubwanya kukukwasha unekenye milangwe mibi ne kwikala na mumweno muyampe. (Bene Loma 15:13) Kadi madingi mayampe a mu Bible abwanya kukukwasha ukomene makambakano otanwa nao pano, kimfwa bulanda, bukondame ne misongo.

•   Tala muswelo lukulupilo lwa mu Bible olwakweshe muntu wadi ulwa na bulanda, waikala na ndoe ne na nsangaji. Tala video Juan Pablo Zermeño: Yehova Wampele Būmi bwa Kitungo.

•   Tala muswelo ubwanya kukukwasha Bible ulwe na milangwe ya kwitopeka, bulanda, kuzumbija mutyima nansha kufwilwa muntu osenswe. Tanga kishinte “La Bible peut-elle m’apporter du réconfort?”

•   Tala muswelo sola umo ke mwije, wadi witela bu “mwitolwele kadi wambulwa kubanga bakwabo” mwawaikadile na lukulupilo kupityila ku Bible. Londa video J’ai déposé les armes.

 Mwaka wa 2 024 wikale muyampe kodi abe ne kisaka kyobe. Wifunde bivule pa muswelo ubwanya kukukwasha Bible. Tompa kwifunda Bible na muntu. Jingulula muswelo ubwanya Leza kukupa “milangwe ya ndoe” tamba’nka pano, ne “būmi bwa kumeso ne lukulupilo.”—Yelemia 29:11.