Bantemu ba Yehowa mbena Kristo anyi?
Eyowa. Tudi bena Kristo bua malu aa:
Tudi tudienzeja bua kulonda bimpebimpe malongesha a Yezu Kristo ne malu avuaye muenze.—1 Petelo 2:21.
Tudi tuitabuja ne: Yezu ke udi mua kutupetesha lupandu, bualu “kakuena dîna dikuabu muinshi mua diulu didibu bafile munkatshi mua bantu didi ne bua kutusungila to.”—Bienzedi 4:12.
Padi bantu balua Bantemu ba Yehowa, badi bababatiza mu dîna dia Yezu.—Matayi 28:18, 19.
Tutu tulomba Nzambi mu dîna dia Yezu.—Yone 15:16.
Tudi tuitabuja ne: Yezu ke udi Mutu, mmumue ne: muntu udibu bapeshe bukokeshi ku mutu kua muntu mulume yonso.—1 Kolinto 11:3.
Kadi, mu malu a bungi, tudi bashilangane ne bena mu bitendelelu bikuabu bidibu babikila ne: mbia bena Kristo. Tshilejilu, tudi tuitabuja ne: Bible udi ulongesha ne: Yezu udi Muana wa Nzambi, kadi kena umue wa ku bantu badi benza Busatu bunsantu to. (Mâko 12:29) Katutu tuitaba ne: anyima katu ufua to, ne kakuena mvese nansha umue udi uleja ne: Nzambi utu ukengesha bantu mu inferno bua kashidi, anyi udi uleja ne: bantu badi balombola midimu ya mu tshitendelelu badi ne bua kuikala ne mianzu idi ibavuija bapite bakuabu to.—Muambi 9:5; Yehezekele 18:4; Matayi 23:8-10.
Mona bikuabu:
NKONKO ITU BANTU BATAMBA KUELA
Bantemu ba Yehowa batuku bitabuja Yezu anyi?
Manya bua tshinyi kuitabuja Yezu kudi ne mushinga bua bena Kristo balelela.
NKONKO ITU BANTU BATAMBA KUELA
Bua tshinyi Bantemu ba Yehowa kabatu batendelela ne nkuruse?
Nansha mutudi bena Kristo katutu tutendelela ne nkuruse to. Bua tshinyi?
MANDAMUNA A NKONKO YA MALU A MU BIBLE
Yezu nNzambi Wa Bukole Buonso anyi?
Ntshinyi tshivua Yezu muambe bua muaba uvuaye nawu kumpala kua Nzambi?
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.