Ntshinyi tshidi Bible wamba?
Buakane bulelela nebuikalaku pa buloba apa anyi?
Udi mua kuandamuna bishi?
Eyowa
Tòo
Pamuapa
Tshidi Bible wamba
‘Ndi mumanye ne: Yehowa neabingishe muena dikenga pamulumbuluishabu, nealumbuluile bapele biakane.’ (Misambu 140:12) Bukalenge bua Nzambi nebulue ne buakane bulelela pa buloba.
Mmalu kayi makuabu atudi tulonga mu Bible?
Nzambi udi umona dipanga kulumbulula kuakane didi lelu pa buloba, ne neadilongolole.—Muambi 5:8.
Buakane bua kudi Nzambi nebulue ne ditalala ne bukubi pa buloba.—Yeshaya 32:16-18.
Nzambi udiku wanyisha tshisumbu kampanda tshia bantu kupita tshikuabu anyi?
Bamue bantu badi bamba ne: Nzambi mmubeneshe tshisumbu tshia bantu kampanda anyi mmutshiele mulawu, eku bakuabu bamba ne: Nzambi udi wangata bantu bonso mushindu umue. Wewe udi wela meji kayi?
Tshidi Bible wamba
“Nzambi kena ne kansungansunga to, kadi udi witaba muntu wa mu tshisamba tshionso udi umutshina, udi wenza malu makane.” (Bienzedi 10:34, 35) Ku mêsu kua Nzambi bantu bonso badi mushindu umue.
Mmalu kayi makuabu atudi tulonga mu Bible?
Bible udi ne “lumu luimpe” bua “ditunga dionso, tshisamba tshionso, muakulu wonso ne bantu bonso.”—Buakabuluibua 14:6.
Mona bikuabu:
MANDAMUNA A NKONKO YA MALU A MU BIBLE
Nzambi ke utu utukebela makenga anyi?
Makenga adi mua kukuata bantu bonso nansha badi Nzambi wanyisha. Bua tshinyi?
BIBLE UTU USHINTULULA BANTU
Mvua musue kuluisha kansungasunga
Rafika wakabuela mu tshisumbu kampanda tshia bantomboji bua kuluisha kansungasunga. Kadi wakamanya mulayi wa mu Bible wa ne: Bukalenge bua Nzambi nebutuadile bantu ditalala ne buakane.
