Inyalo wacho ni

• Ee

• Ooyo

• Samoro

Gima Muma wacho

E bwo loch mar Yesu Kristo, “kuwe nobedi mang’eny, nyaka dwe nobedi ma onge,” tiende ni nyaka chieng’.—Zaburi 72:7.

Weche mamoko ma Muma puonjowa gin mage?

• Joma richo ibiro keth, kae to joma beyo biro ‘mor moloyo kuom kuwe mang’eny.’​—Zaburi 37:10, 11.

• Nyasaye biro tieko lwenje duto.​—Zaburi 46:8, 9.

Jomoko wacho ni . . . mano ok nyalre ka pod wadak e piny mopong’ gi chandruok kendo ma ji timee gik marichoni. In to iparo nade?

Gima Muma wacho

Kata mana e kindegi, joma ohero Nyasaye nyalo bedo gi “kuwe mar Nyasaye ma loyo ng’eyo duto.”—Jo-Filipi 4:6, 7.

Weche mamoko ma Muma puonjowa gin mage?

• Nyasaye singo ni obiro golo chandruoge duto kod timbe morochore kendo obiro ‘loso gik moko duto obed manyien.’—Fweny 21:4, 5.

• Wanyalo bedo gi chuny mokuwe ka watieko riyo ma wan-go mar “ng’eyo Nyasaye.”​—Mathayo 5:3.