Kapo ni in gi tuwo madwaro ni otimni yeng’o, donge diher ni otimni yeng’ono gi laktar molony chuth nikech ngimani nie lwete? Mondo ibed gadier gi laktarno, donge en gima nyiso rieko kinono kaka osethiedho ji kinde mokalo?

E yo ma kamano bende, en gima nyiso rieko ka wanono din marwa. Kapo ni in e din moro, chalo ka gima iketo winjruokni gi Nyasaye e lwet dindno, moriwo geno mari mar yudo ngima mochwere.

Yesu nomiyowa puonj moro manyalo konyowa fwenyo ka din ma wantie en mar adier kata ooyo. Nowacho niya: ‘Yath ka yath ing’eyo gi olembe owuon.’ (Luka 6:44) Kuom ranyisi, king’iyo din, ineno nade timbegi kata olemo ma ginyago? Be dibed ni jotend dindno jiwo ahinya weche pesa? Be joma nie dindno luwo puonj mag Muma e wach lweny kod timbe mabeyo? To mogik, be nitie din moro amora minyalo geno? Wagweli mondo inon sula maluwogi.