Ayub 20:1-29
20 Zofar+ Ja-Naamath nodwoko niya:
2 “Gik miwachogo chuna mondo adwokiNikech gichando chunya ahinya.
3 Asewinjo kiyanya e weche miwachogo;Kendo rieko ma an-go chuna mondo adwoki.
4 Ere kaka dikia wachni,To en wach ma oseng’ere nyaka ne dhano chak dak e piny,+
5 Ni jaricho bedo mamor mana kuom kinde machuokKendo ni ng’at ma ok oluoro Nyasaye bedo moil mana kuom kinde matin.+
6 Kata ka jaricho obedo rahuma mi sungane ochopo nyaka e poloKendo wiye geyo boche polo,
7 Nolal nono mana kaka losruokne;Jo ma ne nene nopenjre ni, ‘En kure?’
8 Obiro lal nono mana ka lek;Wich biro wil kode mana ka lek motieno.
9 Wang’ ma nonene ok bi nene kendo,Ode bende ok nochak onene.+
10 Nyithinde biro kwayo kony kuom jo modhier,Kendo lwetene owuon biro duoko mwandu ma ne okawo.+
11 Kata obedo ni ne oratego,Tekone nolal kode e lowo.
12 Kata ka richo chalone chiemo mamit e dhoge,Kendo opando chiemono e lembe,
13 Kobudho kode e dhoge,Mondo owinj ndhathe,
14 Chiemono nolokre makech kosemwuonye,Mobed kaka kwiri mar thuond fu e iye.
15 Osemwonyo mwandu, kata kamano, obiro ng’ogogi;Nyasaye biro miyo ong’oggi duto.
16 Obiro nyodho kwiri mar thuond fu;Kendo thuond rachier nonege.
17 Ok none ngang’ mor kich kata mor dhiang’,Mamol ka pi aora.
18 Obiro duoko mwandune mak otiyogo;*Kendo ok obi chamo mwandu ma ohande okelone.+
19 Nimar osesando jochan mi ojwang’ogi;Osemayo ng’ato ode, ot ma en owuon ne ok ogero.
20 Kata kamano, ok nobed gi kuwe e chunye;Kendo mwandune ok bi konye tony.
21 Koro onge gima odong’ monyalo yako;Mano e momiyo gige ok bi siko.
22 Kosemewo mogik, kibaji notieke;Masiche malich nomwomre kuome.
23 Sa ma pod opong’o iye,Nyasaye biro goye gi mirimbe mager,Mirimano biro chopo nyaka e iye.
24 Ka oringo mondo oyomb gir lweny mar nyinyo,To asere moba gi atum mar chuma chwoye.
25 Opudho asere mochuoyo toke,Ogolo gir lweny mochuoyo kedhno mare,Kendo kibaji goye.+
26 Mwandune biro lal e mudho mandiwa;Mach ma ng’ato ok okwadho notieke;Masira biro yudo ng’ato ang’ata motony e hembe.
27 Polo biro elo richone;Piny bende nolokre kode.
28 Ohula noywe ode ma dhigo;Nobed ohula maduong’ e odiechieng’ ma Nyasaye biro oloe mirimbeno.
29 Mano e pok ma Nyasaye miyo ng’at marach,Ee, mano e pok ma Nyasaye oketone.”
Weche Moler Piny
^ Hibrania, “ma ok omwonyo.”
