“Nikech kor lwasi tinde okethore ahinya, mano osekelo ne dhano kaachiel gi gik mangima duto chandruoge mang’eny. Koth ma chue gi yamo mager osemedore ahinya nikech kethruok mar kor lwasi, to mano osemiyo ji obedo gi chandruoge mag yuto kendo weyo utegi kokethore. Ngima le modak e nam bende koro ni kama tek.”​—Inger Andersen, ma tiyo e bwo sekretari maduong’ mar Riwruok mar Pinje kod dairekta maduong’ mar “UN Environment Programme,” Julai 25, higa 2023.

 Be sirkende nyalo riwore ma gitiek chuth chandruok mokwako piny ngimani?

 Muma wuoyo kuom sirkal moro ma nyalo loso kuonde duto mokethore e piny kendo obiro timo kamano. Owacho ni “Nyasaye manie polo nochung pinyruoth” moro, ma en sirkal ma biro loso piny duto obed maber. (Daniel 2:44) E bwo sirkandno, ji “ok [nokel] hinyruok moro amora kata ketho” piny.​—Isaya 11:9.