WER 90
Wajiwreuru
-
1. Ka wajiwre ng’ato gi ng’ato
Mondo wati ne Jehova,
Hera medre e kind owete;
Timbe mabeyo kelo kuwe.
Hera ma jo Nyasaye nyiso
Konyowa dhi nyime nano.
Wayudo kar bwok e kanyakla,
Kama dwayudie rit maber.
-
2. Wach ma wawacho sa mowinjre
Mano kaka ohoyo chuny!
Osiepe mwageno motegno
Miwa weche ma kelo hoch.
En gima ber tiyo gowete
Jo man gi geno kaka wan.
Wadwaro jiwore e kindwa
Wakonyogi nyagruok gi pek.
-
3. Yie ma wan-go miyo waneno
Odiechieng Jehova chiegni,
Ber ka wajiwore e chokruok
Wadhi nyime wuotho e yie.
Ka wachokre gi jo Jehova,
Wabiro tine nyaka chieng’.
Koro wajiwre e kanyakla
Wamak tim makare gadier.
(Ne bende Luka 22:32; Tich 14:21, 22; Gal. 6:2; 1 The. 5:14.)