Zis bann dimounn ki prop lor plan moral ki kapav profit enn bon relasion avek Zeova. (1Pi 1:14-16) Kan bann etidian Labib fer zefor pou abandonn zot bann move labitid, sa kapav amelior zot lasante, zot sitiasion familial ek ekonomik.

Pa ezite pou explik zot kifer Zeova finn etabli bann prinsip, ek ki bann bienfe zot pou gagne kan zot aplik sa bann prinsip-la. Ed to bann etidian Labib pou sanz zot fason panse, ek lerla, zot pou kapav fer seki Zeova anvi. (Ef 4:22-24) Rasir zot ki Zeova kapav ed zot pou abandonn bann move kitsoz ki zot ti pe pratike. (Fil 4:13) Ansegn zot pou sipliye Zeova kan zot pe fer fas ar bann tantasion. Ed zot pou idantifie ek pou evit bann sitiasion ki kapav vinn enn tantasion pou zot. Ankouraz zot pou ranplas sa bann move labitid-la par bann laktivite ki pou ena enn bon lefe lor zot. To pou gagn boukou lazwa kan to pou trouv to bann etidian Labib reisi fer sa bann sanzman-la gras-a led Zeova.

GET VIDEO ED TO BANN ETIDIAN LABIB POU ABANDONN ZOT BANN MOVE LABITID, EK APRE SA, REPONN SA BANN KESTION-LA:

• Kouma bann ansien ek Neeta ti montre ki zot fer Jade konfians?

• Kouma Neeta ti ed Jade?

• Ki Jade ti fer pou gagn led Zeova?