Pena dout ki bann dimounn pou kontign fer bann progre lor plan siantifik. Me eski par zotmem zot pou reisi kree enn sosiete kot dimounn pou vremem interese sakenn ar so kamarad? Non. Azordi lemond kontrole par bann tandans egois ek lanvi pou gagn plis. Kanmem, Bondie inn prevwar enn pli bon kitsoz pou bann dimounn.​—Lir 2 Pier 3:13.

Parol Bondie koz lor enn sosiete mondial ki pou ena dan lavenir kot bann dimounn pou kontan zot kamarad. Bann dimounn pou viv an sekirite, ek pa pou ena personn pou fer zot ditor.​—Lir Mika 4:3, 4.

O-koumansman Bondie pa ti kree dimounn avek bann tandans egois. Me kan premie imin inn swazir pou dezobeir Bondie, li’nn perdi so lavi parfe. Nou finn erit sa tandans egois la avek limem. Me selman, atraver Zezi, Bondie pou fer bann dimounn revinn parfe.​—Lir Romin 7:21, 24, 25.

An akor avek volonte Bondie, Zezi ti donn so lavi an sakrifis ek li’nn anil konsekans ki dezobeisans premie zom ti amene. (Romin 5:19) Gras-a Zezi, bann dimounn pou konn enn lavenir extraordiner kan zot pou libere ar bann tandans egois.​—Lir Psom 37:9-11.