Eski Bann Profesi lor Lemesi Montre Nou ki Zezi Limem Lemesi?
Seki Labib dir
Wi. Kan Zezi ti lor later, li ti akonpli plizir profesi konsernan “Lemesi, sa Sef-la,” sa kikenn ki ti pou “Sover lemonn” la. (Daniel 9:25; 1 Zan 4:14, NTKM) Mem apre so lamor, Zezi ti kontign akonpli bann profesi konsernan Lemesi.—Psom 110:1, PKM; Zistwar Bann Apot 2:34-36.
Ki savedir “Lemesi”?
Mo Ebre Mashiah (Lemesi) ek mo Grek Khristos (Kris) toulede vedir “Sa Kikenn Ki Bondie Finn Swazire La.” Alor, “Zezi Kris” vedir “Zezi Sa Kikenn Ki Bondie Finn Swazire La,” ouswa “Zezi Lemesi.”
Dan lepok Biblik, souvan ti vers delwil lor latet enn dimounn kan ti swazir li pou enn responsabilite spesial. (Levitik 8:12; 1 Samiel 16:13) Bondie ti swazir Zezi pou vinn Lemesi, savedir ki li ena enn responsabilite ki bien inportan. (Zistwar Bann Apot 2:36) Selman, olie ki Bondie ti fer enn kikenn vers delwil lor latet Zezi pou swazir li, Bondie ti fer lespri sin desann lor Zezi.—Matie 3:16, NTKM.
Eski plizir dimounn ti kapav realiz bann profesi konsernan Lemesi?
Non. Parey kouma lanprint enn ledwa ed nou idantifie zis enn sel dimounn, bann profesi dan Labib montre ki ena enn sel Kris ouswa Mesi. Selman, Labib averti nou ki “bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.”—Matie 24:24, NTKM.
Eski Lemesi pou aparet dan lavenir?
Non. Labib ti predir ki Lemesi ti pou enn desandan David, ki ti enn lerwa dan Izrael. (Psom 89:3, 4, PKM) Dan lepok lontan, bann Zwif ti ena bann lalis ki ti permet zot kone kisannla zot bann anset. Malerezman, zot bann dokiman ki ti permet zot remont ziska David inn perdi. Aparaman, sa bann dokiman-la finn detrir kan bann Romin ti gagn laviktwar lor Zerizalem dan lane 70 Nou Lepok. a Depi sa lepok-la, personn pa’nn kapav prouve ki li enn desandan Lerwa David. Parkont, mem si sa bann dokiman-la ti existe dan lepok Zezi, so bann lennmi ti esey prouve ki Zezi pa ti enn desandan David, me zot pa finn reisi fer sa.—Matie 22:41-46, NTKM.
Komie profesi konsernan Lemesi ena dan Labib?
Nou pa kapav dir exakteman komie profesi konsernan Lemesi ena dan Labib. Parski fason ki bann dimounn pou kont bann profesi ki koz lor Lemesi kapav diferan. Par exanp, Izai 53:2-7 koz lor plizir kitsoz konsernan Lemesi. Sertin dimounn dir ki se enn sel profesi, alor ki lezot kapav konsider sak detay kouma enn profesi.
Sertin profesi konsernan Lemesi ki Zezi inn realize
Profesi |
Dan |
Realize |
|---|---|---|
Ti pou enn desandan Abraam |
Matie 1:1, NTKM |
|
Ti pou enn desandan Izaak, Abraam so garson |
Matie 1:2, NTKM |
|
Ti pou ne dan tribi Zida |
Matie 1:1, 3, NTKM |
|
Ti pou enn desandan Lerwa David |
Izai 9:7 |
Matie 1:1, NTKM |
So mama ti pou enn vierz |
Izai 7:14 |
Matie 1:18, 22, 23, NTKM |
Ti pou ne dan Betleem |
Mishe 5:2 |
Matie 2:1, 5, 6, NTKM |
Ti pou apel li Emaniel b |
Izai 7:14 |
Matie 1:21-23, NTKM |
Ti pou sorti dan enn fami pov |
Izai 53:2 |
Lik 2:7, NTKM |
Apre so nesans, ti pou touy bann ti zanfan |
Zeremi 31:15 |
Matie 2:16-18, NTKM |
Li ti pou sorti depi Lezip |
Oze 11:1 |
Matie 2:13-15, NTKM |
Ti pou apel li enn Nazareen c |
Izai 11:1 |
Matie 2:23, NTKM |
Enn mesaze ti pou vini avan li |
Malaki 3:1 |
Matie 11:7-10, NTKM |
Ti pou swazir li kouma Lemesi, lane 29 Nou Lepok d |
Daniel 9:25 |
Matie 3:13-17, NTKM |
Bondie ti pou dir ki Zezi So Garson |
Psom 2:7, PKM |
|
Ti pou ena enn gran lamour pou lakaz Bondie |
Psom 69:9, PKM |
Zan 2:13-17, NTKM |
Ti pou pres bon nouvel |
Izai 61:1 |
Lik 4:16-21, NTKM |
So predikasion ti pou amenn enn gran lalimier dan Galile |
Izai 9:1, 2 |
Matie 4:13-16, NTKM |
Ti pou fer bann mirak parey kouma Moiz |
Deteronom 18:15 |
Zistwar Bann Apot 2:22, NTKM |
Parey kouma Moiz, li ti pou fer bann dimounn kone ki Bondie panse |
Deteronom 18:18, 19 |
Zan 12:49, NTKM |
Ti pou geri boukou dimounn |
Izai 53:4 |
Matie 8:16, 17, NTKM |
Li pa ti pou atir latansion lor limem |
Izai 42:2 |
Matie 12:17, 19, NTKM |
Li ti pou montre lamour anver bann dimounn ki ti pou soufer |
Izai 42:3 |
Matie 12:9-20, NTKM; Mark 6:34, NTKM |
Li ti pou montre lazistis Bondie |
Izai 42:1, 4 |
Matie 12:17-20, NTKM |
Li ti pou enn Konseye Extraordiner |
Izai 9:6, 7 |
Zan 6:68, NTKM |
Li ti pou fer bann dimounn konn nom Zeova |
Psom 22:22 |
Zan 17:6, NTKM |
Li ti pou servi bann lexanp pou ansegne |
Psom 78:2, PKM |
Matie 13:34, 35, NTKM |
Li ti pou enn Sef |
Daniel 9:25 |
|
Boukou dimounn pa ti pou krwar dan li |
Izai 53:1 |
Zan 12:37, 38, NTKM |
Li ti pou fer boukou dimounn tonbe |
Izai 8:14, 15 |
Matie 21:42-44, NTKM |
Bann dimounn ti pou rezet li |
Psom 118:22, 23 |
|
Bann dimounn ti pou ena laenn pou li, san okenn rezon |
Psom 69:4, PKM |
Zan 15:24, 25, NTKM |
Li ti pou rant dan Zerizalem kouma enn Lerwa, lor enn bourik |
Zakari 9:9 |
Matie 21:4-9, NTKM |
Bann zanfan ti pou donn li loner |
Psom 8:2, PKM |
Matie 21:15, 16, NTKM |
Li ti pou vinn lor nom Zeova |
Psom 118:26 |
|
Enn kikenn ki li fer konfians ti pou trayir li |
Psom 41:9 |
Zan 13:18, NTKM |
Ti pou trayir li pou 30 pies larzan e |
Zakari 11:12, 13 |
Matie 26:14-16, NTKM; 27:3-10, NTKM |
So bann kamarad ti pou abandonn li |
Zakari 13:7 |
Matie 26:31, 56, NTKM |
Bann fos temwin ti pou koz kont li |
Psom 35:11, PKM |
Matie 26:59-61, NTKM |
Li pa ti pou reponn bann dimounn ki ti akiz li |
Izai 53:7 |
Matie 27:12-14, NTKM |
Ti pou kras lor li |
Izai 50:6 |
Matie 26:67, NTKM; 27:27, 30, NTKM |
Ti pou tap li lor so latet |
Mishe 5:1 |
Mark 15:19, NTKM |
Ti pou fwet li |
Izai 50:6 |
Zan 19:1, NTKM |
Li pa ti pou anpes bann dimounn bat li |
Izai 50:6 |
Zan 18:22, 23, NTKM |
Bann sef politik ti pou fer konplo kont li |
Psom 2:2, PKM |
Lik 23:10-12, NTKM |
Ti pou koulout so lame ek so lipie lor enn poto |
Psom 22:16, PKM |
Matie 27:35; Zan 20:25, NTKM |
Ti pou fer tirazosor pou kone kisannla pou gagn so linz |
Psom 22:18, PKM |
|
Ti pou konsider li parey kouma enn bandi |
Izai 53:12 |
|
Ti pou boufonn li ek insilte li |
Psom 22:7, 8, PKM |
|
Li ti pou soufer pou bann dimounn ki’nn fer pese |
Izai 53:5, 6 |
|
Ti pou paret koumadir Bondie inn abandonn li |
Psom 22:1, PKM |
Mark 15:34, NTKM |
Ti donn li vineg ek enn kitsoz amer pou bwar |
Psom 69:21, PKM |
Matie 27:34, NTKM |
Li ti pou gagn swaf avan li mor |
Psom 22:15, PKM |
Zan 19:28, 29, NTKM |
Li ti pou met so lavi dan lame Bondie |
Psom 31:5, PKM |
Lik 23:46, NTKM |
Li ti pou sakrifie so lavi |
Izai 53:12 |
Mark 15:37, NTKM |
Li ti pou donn so lavi kouma enn ranson, pou kapav tir pese |
Izai 53:12 |
Matie 20:28, NTKM |
Pa ti pou kas so bann lezo |
Psom 34:20, PKM |
|
Ti pou pik li |
Zakari 12:10 |
Zan 19:33-35, 37, NTKM |
Ti pou anter li avek bann ris |
Izai 53:9 |
Matie 27:57-60, NTKM |
Li ti pou regagn lavi |
Psom 16:10, PKM |
|
Ti pou ranplas dimounn ki ti trayir li |
Psom 109:8, PKM |
|
Li ti pou asiz dan kote drwat Bondie |
Psom 110:1, PKM |
a Ansiklopedi, Cyclopedia McClintock ek Strong dir: “Pena okenn dout ki bann dokiman kot ena nom bann tribi Zwif ek zot fami finn detrir pandan destriksion Zerizalem, ek pa avan.”
b Nom Ebre Emaniel vedir “Bondie Avek Nou,” ek sa explik bien responsabilite ki Zezi ena antan ki Lemesi. Par so prezans lor later ek par so bann aksion, li’nn montre ki Bondie avek So bann adorater.—Lik 2:27-32, NTKM; 7:12-16, NTKM.
c Lexpresion “Nazareen” kitfwa sorti dan mo Ebre netser, ki vedir “bourzon.”
d Pou konn plis lor kouma Labib montre ki lane 29 Nou Lepok, se lane kot Lemesi ti pou vini, lir lartik: “Couma eski prophetie Daniel annoncé kan Messie ti pou vini?”
e Sa profesi-la trouv dan liv Zakari. Pourtan Matie, enn ekrivin Labib, dir ki se “parol profet Zeremi [ki] finn realize.” (Matie 27:9, NTKM) Li paret ki ena fwa, liv Zeremi ti premie liv dan enn seksion Labib ki apel “bann profet.” (Lik 24:44, NTKM) Matie kitfwa ti servi nom “Zeremi” pou fer referans ar tou bann liv ki trouv dan sa seksion-la, ek parmi ena osi liv Zakari.
