2023 оны 1-р сарын 27-ний өдөр бол Хоморголон устгалд өртсөн хүмүүсийг дурсах олон улсын өдөр юм. 75 гаруй жилийн өмнө болсон энэ харгис хэрцгий явдлыг Бурхан яагаад зөвшөөрсөн юм бол гэж та гайхаж байж болох юм.

•   Библид энэ тухай юу гэж байдгийг мэдье гэвэл «Еврейчүүдийг хоморголон устгах явдал яагаад болсон бэ? Бурхан яагаад болиулаагүй вэ?» өгүүллийг уншаарай.

 Еврейчүүд хоморголон устгах явдлын золиос болон маш аймшигтайгаар зовж шаналсан. Сая сая хүнийг зохион байгуулалттайгаар устгажээ. Энэ хоморголон устгах явдалд еврейчүүдээс өөр хүмүүс ч өртсөн юм. Тэдний дунд итгэл үнэмшлээсээ болж хавчигдаж байсан Еховагийн Гэрчүүд ч байжээ.

•   Энэ тухай илүү ихийг мэдье гэвэл «Хоморголон устгах явдлын үеэр Еховагийн Гэрчүүдэд юу тохиолдсон бэ?» өгүүллийг уншаарай.

 Хоморголон устгах явдал дахин болох вий гэж олон хүн айдаг. Гэхдээ ирээдүйд дахин ийм аймшигтай явдал болохгүй гэсэн сайхан амлалт Библид бий.

•   «Учир нь та нарт зориулж байгаа төлөвлөгөөнүүдийг Би мэдэх бөгөөд тэдгээр нь та нарт ирээдүй ба найдварыг өгөхийн тулд гай гамшгийн бус, сайн сайхны төлөөх төлөвлөгөөнүүд юм гэж ЭЗЭН тунхаглаж байна» (Иеремиа 29:11).

 Ехова Бурхан муу муухайг эцэслэн учирсан хохирлыг арилгаж энэ найдварыг биелүүлнэ. Тэр тун удахгүй дараах зүйлүүдийг хийнэ.

•   Бусдад гай учруулдаг хар санаатныг байхгүй болгоно (Сургаалт үгс 2:22).

•   Зовж шаналсан хүмүүсийг тайвшруулна (Илчлэл 21:4).

•   Нас барсан хүмүүсийг дэлхий дээр амилуулна (Ёохан 5:28, 29).

 Библид байдаг энэ сайхан найдварт та итгэж болно. Яагаад итгэж болохыг мэдэж авахын тулд Библийн үнэ төлбөргүй хичээл хийхийг танд санал болгож байна.