Penthokna Amasung Nungaina Hingba Phangnaba Paotaksing
Eikhoi meeoiba khudingmak haibadi naha, ahal, yum pallaba, pandriba khaidana penthokna amasung nungaina hingba haibasi pammi. Eikhoibu Sembiriba Mapunasu madumak pammi. Maram asina masigi matangda mahakna eikhoida kannaraba paotak kaya piri.
Su-Nomba Kanba Oibiyu
“Mahakki makhutna aphaba thabak touduna awatpa leiba meeda matengpiba ngamnaba thabak kanna susanu.”—EPHISA 4:28.
Eikhoibu Sembiriba Mapuna eikhoibu su-nomba kanba meesaksing oihanning-ee. Maramdi su-nomba kanba meeoi amana nungaina hingba ngammi. Aduga mahakki imung manunggi darkar oibasingsu piba ngammi. Adudasu nattana kanagumbagi darkar oibasingdasu mateng pangba ngammi. Mahakna thabak phajana touba maramna thabak maphamdasu mathak thongbasingna yaba oigani aduga magi thabaktasu akaiba leiroi. Meeoi amana su-nombagi phangjaba mahei adu “Ishworgi khudonni” haina Bibledasu chap chana palammi.—Pao Sandokpa 3:13.
Pukchel Sengba Oibiyu
“Eikhoina hiram pumnamakta pukchel sengna leiningbagi aphaba achum aran khangba pukning lei haiba eikhoina chetna thajei.”—HIBRU 13:18.
Eikhoi pukchel sengba meesak oirabadi karigumba makhal amattagi akiba leiroi. Pukning shanti phanggani. Aduga phajanna potthaba amasung ahing nungaina tumba phanggani. Adugisu mathakta atoppasingna eikhoibu thajagani amasung ikaikhumnagani. Adubu pukchel sengdaba meesak amagidi hairibasingsi phanglaroi. Mahakki pukningda mahakna touruba pukchel sengdabagi thabak kayadu kanagumbana khanglakkadra haibagi matamchuppada akiba leigani. Maram asina mahakna keidoungeidasu pukning shanti phangde.
Peisana Punsida Khwaidagi Maruoibani Haina Khanbiganu
“Nakhoigi nachat natouda senthum karaamdaba oisanu. Nakhoigi leijariba aduda penba oiyu.”—HIBRU 13:5.
Eikhoi khudingmakna hingnaba, chana-thaknaba amasung atei darkar oibasing phangnabagidamak peisa darkar oi. Adum oinamak ‘senthumda karaamba’ haibasidi khudongthiningaini. Maramdi peisa yamna pamba meesak amana mahakki leijaba matam amasung panggal pumnamak peisa tannabagidamak sijinnakhiba yai. Maduna maram oiraga mahakna mahakki mapuroiba nattraga nupida amasung angangsingda matam piba ngamdabadagi imung kairakpa yai. Aduga hakchangsu soklakpa yai. (1 Timothy 6:9, 10) Adugisu mathakta peisa yamna tannabagidamak mahak pukchel sengdaba meesak oirakpa yai. Masiga channana lousing leiba meeoi amana asumna irammi: “Thajaba yaba meedi bor marang kaina phangjagani, adubu thuna inakkhunningba mahakti cheirak pidaba touroi.”—Paorou 28:20.
Khwaidagi Phaba Lousing Gyan Phangbiyu
“Aphaba lousing amasung singna chatpa ngaak-u.”—PAOROU 3:21.
Phajana mahei masing tambana mathoudang khangba meesak ama oiba amasung aphaba mama mapa oiba ngamhalli. Adubu school, collegetagi phanglakpa mahei masingdu khaktana eikhoigi punsi lomba naidana nungaina leiba ngamhangani haibadi chap chana haiba ngamde. Punsigi tangkak khudingmakta tasengna maipakpa meesak ama oinabagidamak eikhoina Ishworna takpi tambibasing injaba darkar oi. Ishworna haiba tajaba meeoisinggi maramda Biblena asumna hai: “Mahakna touba khudingmakta mahei yalli.”—Thagat Ishei 1:1-3.
