GŨUSG GASGÃ No 1 2018 | Biiblã ket n tara yõod bɩ?
BIIBLÃ TARA YÕOD RŨNDÃ-RŨNDÃ BƖ?
Sẽn mik tɩ rũndã-rũndã, tɛknolozi wã paama pãnga, tɩ kibayã la saglsã piuugã, rẽ yĩnga, Biiblã sẽn yaa seb-kʋdrã ket n tara yõod bɩ? Ad b sẽn yeel Biiblã pʋgẽ:
‘Wẽnnaam n kɩt tɩ b gʋls gʋls-sõamyã fãa, la b bee yõodo.’—2 Tɩmote 3:16.
Y sã n karem Gũusg Gasg kãngã, y na n bãnga Biiblã sã n sɩd tõe n sõnga tõnd bũmb fãa pʋgẽ.
Biiblã saglsã tara yõod rũndã-rũndã bɩ?
Kibayã la saglsã sẽn piuugi, tɩ d tõe n bãng d sẽn dat fãa minit a wãn bal pʋgẽ wã, bõe yĩng tɩ d na n bao n tũ Biiblã saglse, n yaool n miẽ tɩ b sẽn gʋls-a n sa wã rat n taa yʋʋm tus a yiibu?
Biiblã saglsã yaa zãmaan fãa yĩnga
Bãngr ning nebã sẽn tar rũndã-rũndã wã pa kɩt tɩ Biiblã sẽn yetã pa le tar yõod ye. Biiblã tara noy la sagls sẽn nafd nebã, la sẽn yaa zãmaan fãa yĩnga.
Biiblã sẽn da pĩnd n togsã yaa sɩda!
Biiblã pa siãns sebre, la bũmb kẽer la a ra pĩnd n togs siãnsã wɛɛngẽ, tɩ tõe n ling-yã.
1 Biiblã sõngda ned t’a gil zu-loeese
Y na n bãnga Biiblã saglsã sẽn sõng neb to-to tɩ b gil zu-loees kẽere.
2 Biiblã sõngda ned t’a welg zu-loeese
Biiblã kõta sagls sẽn tõe n sõng ned t’a welg zu-loeese, baa sã n kaoosame. Wala makre, a sã n maanda yɩɩr tɩ looge, a sã n minim n viigda a tʋʋmã, la a sã n lebga a yembre.
3 Biiblã sõngda ned t’a mao ne zu-loeese
La zu-loees n be n nan pa tar tɩɩm, tɩ d pa tõe n gil-b me ye. Wala makre, d ned sã n maan kaalem, wall d sã n bẽed bãag sẽn pa sate. Biiblã tõe n sõng-d lame bɩ?
Y beoog tõe n yɩɩ neere
Wẽnnaam Gomdã tõe n sõnga tõnd tɩ d tõog n mao ne beoog ne a noor fãa zu-loeesã. La Biiblã tõe n sõnga tõnd tɩ yɩɩg rẽ. A sõngda tõnd tɩ d bãng tɩ beoog na n yɩ neere.
Yãmb tagsg yaa bõe?
Ad neb kẽer sẽn yet rẽ wɛɛngẽ, la Biiblã me sẽn yete.
