Fo mi n lebg n tẽega bũmb sẽn yɩ-f noog wʋsgo, f sẽn wa n ket n tũud a Zeova sõma wã bɩ? Wala makre, tigsga, tigis-kãsenga, bũmb sẽn maan koɛɛgã mooneg sasa, wall foo ne f tẽed-n-taag sẽn sõs hal tɩ yɩ-f noogo. Dẽnd fo pa yĩm a Zeova yell ye. Bãng tɩ yẽ me pa yĩm f yell ye. A ket n tẽegda fo sẽn da maand modgr nins n tũud-a wã. A ratame n sõng foo tɩ f lebg n wa a nengẽ.

A Zeova yeela woto: “Mam meng n na n ges m piisã yell m toore, la m kɩɩm-ba. Wa piis sẽn mi n sãeeg tɩ pe-kɩɩmã tigimd-b to-to wã, mam me na n tigma m piisã zĩis nins fãa b sẽn dag n sãeegã.”—Ezekɩyɛlle 34:11, 12.