ǂGUIN ge a ǂan Jesub ge ǀgam tsūdī-aokha ǁaegu haib ai ǃgâumâihesa. (Mat. 27:35-38) Xawen ge ǂguina ǂgom tama hâ Elobmîs ra mîsa. Jesub soros ge ǁkhōs ǃaroma gere aiǂhomihe. Tsî ǀhobas ǃnâ ǁguiǂgāhesa.—Mrk. 15:42-46.

Mâǃoa-aon ge ǂgom tama hâ. ǁOre-ao i khami ra ǂgāmâihe khoe-i, ǃamku ǁkhōsa nî dībahesa. ǁÎn gere ǂgoms ge nē khoe-i, ǀkhara ǀgaub ai nî ǁkhōhesa. Ariel Sabari, Smithsonian di ǀon hâ ǂhôan ǂkhinib, di xoa-aob ge ra ǁguiǃā. Tae-i ǃaroman ǀnîna nē ǂâiǀgauba ūhâsa: “ǀHuhâsib ǃnâ gere tsūdī khoe-i ge haib ai gere ǂgāmâihe. ǂAnsa ūhâ khoegu ǀnîgu ge ra mî. Romeǁîn ǁnāti-ī xūna ra dī khoe-e ǃamku ǁkhōsa ge mā ǁoa isa. ǁNā-i ge ǂâihe ǁoa xū-e.” Romeǁîn ge tsūdī go khoe-e gere taotao ǂgao. ǁNā-amaga i ge sorode haib ai gere ǁnāxuhe, în xamanîn xa ǂûhe. ǁNās khaoǃgâ i ge ǃau gere ǃâb, soros diba ǀhobas ǃnâ gere aoǂgāhe.

Xawe [Archaeology] ǀoro xūna ôaǃnâs ǂansa ūhâ khoen ge ǀkhara xū-e. ǀNî Jodeǁîn hîna ge ǃgamhen xa ge ǂanǂui. Jesub ge ǃhūbaib ai hâ i ǁaeb ǃnâ i ge ǃgâuhe ge khoeb ǂkhōna. Jodeǁî omaris gere ǁkhōgu ǀhobas, Jerusalems xōǀkhā hâs tawa ge hōhe. ǁNā ǂkhōn ge boksis ǃnâ ge hâ i. ǃNôa ǂkhō-i tsîn ge ge hâ i. Tsî 11.5 sentimeterna gaixu spaiker-i ǀkha ge ǃgâusa i. “Yehochananni di ǂkhōn ge ge hui da, i da ǂan. Jesub ge ǀhobas ǃnâ ǁhōhe ǃkhais ge ama īsa, Elobmîs ǃoagu” tib ge Sabara ra mî. ǂHâǂhâsase, “Yehochananni ǃnôas ge Jesub tsēdi ǃnâ ge ǃgâuhe-aob. Hîna ge Romeǁîn xa Jodeǁî ǁkhōsa dīsa mā-amheb aiǁgausa ra ǁgauda.”

Yehochanni di ǃnôa ǂkhōs ge Jesub ge haib ai ǃgâuhe hâ ī ǀgaub xa ra mîba da. Xawe ǃgāsa as ge ǀnî tsūdī-aon tsîn ge ǀhobas ǃnâ ǁkhōhesa. Elobmîs ǃgāsase Jesub ge ǃamkuse ǁkhōhe di ra mîs, ge ra ǁgau nēs a ǂhanusa. ǁGauǁgau di ge Elobmîs ra mî xū-e ra ǂhâǃnâ.

ǂHâǂhâsaseb ge Jehovaba ge mîmâi hâ i. Jesub ǃhū hâ khoeb ǀhobas ǃnâ nî ǁkhōhesa. Tsî khoe-i tsîn ge Elobmîs nî dīǀoaǀoahesa a ǂkhā ǁoa.—Jes. 53:9; 55:11.