“Mopatlatok miak tlamantli ipan Tlaltipaktli, yeka maseualmej kipiaj miak tlaouijkayotl. Kanajya tlauel uetsi atl uan tlaajaka, yeka tlauel tlasojsolojtok uan kichijtok miakej ayokmo ma kipiakaj kampa itstosej yon ma kipiakaj tlen ika mopanoltisej. Ipan mar mototonilia atl, yeka mikij miakej michimej uan tlapialmej (Inger Andersen, secretaria general adjunta tlen Naciones Unidas uan directora ejecutiva tlen Programa de las Naciones Unidas para el Medio Ambiente, julio 25, 2023).

 ¿Tlanauatianij uelisej sansejko mopaleuisej uan kiitasej kenijkatsa uelis kichiuasej maseualmej ayokmo ma kisokiuikaj Tlaltipaktli? ¿Uelis kisenkauasej ni kuesoli?

 Biblia kiijtoua itstok se tlanauatijketl katli kena uelis kikualtlalis Tlaltipaktli. Nopaya kiijtoua “toTeko Dios tlen itstok iluikak kiketsas se tlanauatilistli”, kiijtosneki kinauatis nochi Tlaltipaktli (Daniel 2:44). Kema tlanauatis ni tlanauatijketl, maseualmej amo kichiuasej “niyon se tlamantli tlen mauilili”: amo aka kikokosej yon kinenpolosej Tlaltipaktli (Isaías 11:9).