Ipan lunes octubre 10, 2022, ika ijnalok, Rusia kimajkajki miak bombas ipan se keski altepemej tlen Ucrania. Kiampa kichijkej pampa soldados tlen Ucrania kiuelonijkej se puente tlen eltoya kampa monepantiyaya Crimea uan Rusia. Se keski tonali achtouia, políticos kiijtojkej nechka mochiuaskia Armagedón.

•   “Nama tlauel nechka mochiuas Armagedón, uan amo kej kema tlanauatijtoya Kennedy ipan Estados Unidos yon kema kitlalijkej bombas ipan Cuba. Tlaj tijtekiuisej miak bombas uan sekinok tlamantli tlen tetlasojsoljuilia, uelis tijchiuasej ma peua Armagedón” (Joe Biden, presidente tlen Estados Unidos, octubre 6, 2022).

•   “Nojkia nimoiljuia ni kena eli Armagedón; uelis kinempolos nochi Tlaltipaktli” (kiijtok Volodímir Zelenski (presidente tlen Ucrania). Kema kitlajtlanijkej tlake ueliskia panos pampa kitekiuiaj armas nucleares; BBC News, octubre 8, 2022).

 ¿Peuas Armagedón pampa maseualmej kitekiuiaj armas nucleares? ¿Tlake kiijtoua Biblia?

 Amo. Nopa tlajtoli Armagedón san sempatsi nesi ipan Biblia, ipan Apocalipsis 16:16. Amo kiijtosneki kema se keskij altepemej moteuisej. Armagedón kiijtosneki kema toTeotsij moteuis ininuaya “tlanauatianij” (Apocalipsis 16:14). Jehová kichiuas Armagedón uan kiampa kintsontlamiltis nochi tlanauatianij (Daniel 2:44).

 Tlaj tijneki tijmatis tlake kipanos Tlaltipaktli kema mochiuas Armagedón, xijpoua tlamachtili “¿Tlake eli nopa Armagedón?”.

 Amo. Maske uelis teipa tlanauatianij kitekiuisej bombas, toTeotsij amo kikauas ma kitsontlamiltikaj Tlaltipaktli. Biblia kiijtoua:

•   “Tlaltipaktli, [...] nochipa mokaua” (Eclesiastés 1:4).

•   Tlen itstokej xitlauakej iixpa TOTEKO moaxkatisej nopa tlali tlen yajaya kinmakas, uan nepa itstosej para nochipa” (Salmo 37:29).

 Tlajtolpanextili tlen eltok ipan Biblia uan tlen pano, kinextia tiitstokej ipan itlamia tonali (Mateo 24:3-7; 2 Timoteo 3:1-5). Tlaj tijneki tijmatis tlake panos teipa, ximomachti touaya uan amo timitsinamasej.