“Tikchiujtokej miak taman tein kijtakojtok taltikpak, itech uejueyi xolalmej taapexonis, tonas kemej amo keman ijkon mochiuani, tetsaujkaejekas. Miakkan amo onkas at, ixpoliuiskej tataman tapialmej uan koujmej. Nejin amo sayoj tikijtouaj, ta yejua tein panos komo tekiuanij amo kipataj kemej kitekitiltiaj tit oso energía” (Yejua nejin kitematiltij, António Guterres akin tekiti kemej secretario de las Naciones Unidas keman mosentilij iniuan oksekin akin pouij itech tekiuajyot, itech 4 metsti abril xiuit 2022).

 “Tamatinij kijtouaj ke amo uejkaua, 423 parques tein onkakakej [ompa Estados Unidos], moijtakoskej komo tel tona oso tel kioui. Nejin tetsaujmej tein ueliskia panos, mokaki kemej tetsaujmej tein ika tajtoua Biblia, miakkan motatikuis, taapexonis, patis sekti, moskaltiskej ueyiamej uan tel tonas” (“Flooding Chaos in Yellowstone, a Sign of Crises to Come” [Caóticas inundaciones en Yellowstone, un aviso de las crisis que vendrán], The New York Times, 15 de junio de 2022).

 ¿Uelis moyektalis nejin kuejmol? Komo kemaj, ¿akoni kichiuas? Xikonita tein kijtoua Biblia.

 Biblia kijtoua ke Dios kinixpolos “akin kiixpolojtokej taltikpak” (Apocalipsis 11:18). Nejin texto techmachtia eyi taman:

1.  1. Tein tikchiuaskiaj kijtakoskia taltikpak.

2.  2. Taltikpak amo nochipa kijtakojtoskej.

3.  3. Yejua Dios, akin kiyektalis nejin kuejmol uan amo tejuan.

 Biblia kijtoua ke“taltikpak nochipa yetok” (Eclesiastés 1:4). Nikan tinemiskej nochipaya.

•   “Akin yolmelaujkej ininaxkatis taltikpak uan ompa nemiskej nochipaya” (Salmo 37:29).

 Taltikpak senkis moyektalis uan kualtsin moitas.

•   “Onkas yolpakilis taluakyan uan kampa tauaktok. Onkas yolpakilis taluakyan uan taxochiouas kemej azafrán” (Isaías 35:1).