¡XIMOMALUIJTOKAN!
Oixpolikej kanaj 6 millones ika COVID-19—¿Tlen kijtoua Biblia?
Organización Mundial de la Salud (OMS), okijto 23 de mayo 2022 yoixpolikaj kanaj 6, 27 millones ika COVID-19. Pero itech informe tlen okiski 5 de mayo 2022 omotematilti OMS okijto xamo okachi miakej oixpolikej. Noijki okijto itech 2020 uan 2021, “oixpolikej kanaj 14, 9 millones ika COVID-19. ¿Tlen kijtoua Biblia ika tlen panotok?
Biblia kijtoua miakej mokokoskiaj ik non ixpoliuij
Jesús okijto itech itlamian tonalmej miakej sapanoua mokokoskiaj (2 Timoteo 3:1; Lucas 21:11, Traducción en lenguaje actual).
Profecía tlen okijto Jesús yipanotok. Tla okachi tikneki tikmatis, xikita tlamachtil: “¿Cuál es la señal de ‘los últimos días’ o ‘los tiempos finales’?”.
Tlen kijtoua Biblia techyolseuia
ToTajtsin Dios “nochipa techyolchikawa ijkuak titlaijyowiah” (2 Corintios 1:3, 4).
Miakej yoixpoliuik akin okitlasojtlayaj pero okinyolseui tlen okitlajtoltijkej itech Biblia. Xikita ninmej tlamachtilmej “¿Tlen mitspaleuis xitlaxiko?” uan “Tlen kijtoua Biblia kinpaleuia akinmej moyolkokouaj”.
Biblia kijtoua tlen panos satepan
“Ma uiki moTekiuajkayo. Ma mochiua motlanekilis ompa iluikak uan noijki nikan tlaltikpak” (Mateo 6:10, TNM).
Ayakmo miak poliui iTekiuajkayo toTajtsin Dios kichiuas satepan amikaj makijto: “Nimokokoua” (Marcos 1:14, 15; Isaías 33:24). Tla tikneki okachi tikmatis itech iTekiuajkayo toTajtsin Dios uan tlen kichiuas, xikita video ¿Tlen iTekiuajkayo toTajtsin Dios?
Timitsyoleuaj xikita tlen kijtoua Biblia. Ompa tikajsis tlen uelis mitspaleuis uan noijki mofamilia, Biblia noijki kijtoua tlen panos satepan.
Xamo noijki mitspaktis
ESSENTIAL BIBLE TEACHINGS
¿Tleka toTajtsin Dios ok kikajtok ma titlajyouikan?
Miakej kinekij kimatiskej tleka san kanin onka miak tlajyouilistli. Biblia techiluia tleka titlajyouiaj uan non techyolseuia.
OKSEKI TLAMACHTILMEJ
Ijkuak ixpoliui ikaj tlen tiktlasojtlaj
Seki tlamantli tlen uelis tikchiuas ijkuak ixpoliui ikaj tlen tiktlasojtla.
