Axkan panoua tlen amo kuali, ik non, ualeua amo kuali timomachiliskej.

• Miakej sapanoua motekipachouaj ijkuak kinpanoua tlen amo kuali pero tla uejkaua ijkon momachiliaj peua mokokouaj.

• Ijkuak panoua itlaj amo kuali, akinmej tlapajtiaj moneki miakej kinmaluiskej noso amo onka miak pajtli.

• Ualeua miakej amo kinmajxilia intomin para kikouaskej tlen kikuaskej noso tlen ika mopajtiskej.

• Ijkuak ikaj sapanoua mokokoua uan motekipachoua uelis amo kuali kipejpenas tlen ika mopajtis. Non kichiuas okachi mamokoko.

• Tla amo timopajtia, okachi timokokos uan xamo uelis tiixpoliuis.

• Tla amo timokokoua, okachi kuali tikpejpenas tlen tikchiuas ijkuak itlaj mitspanotos.

• Maski tikpia tomin noso amo, uelis tikchiuas seki tlamantli para amo timokokos.

Akin ixtlamatki nochipa kita tlen uelis panos, ik non, momaluia. Tla amo tikneki sapanoua timokokos, moneki tiyetos tichipauak. Okachi kuali ximomalui uan ijkon amo tikitati tepajti.

“Tejuan timochijchikauaj tiyetoskej tichipauakej uan noijki tokalijtik, ijkon amo okachi tikitatiuij tepajti nion amo okachi tikkouaj pajtli” (Andreas). *