Watch Tower Bible and Tract Society of Pennsylvania opejki itech xiuitl 1884, uan amo tekipanoua para kitlanis tomin, ijkuak nin opejki omochi ijkon ken kijtouaj tlanauatilmej tlen kinpiaj itech altepetl Pensilvania (Estados Unidos). ITlaixpantijkauan Jehová ijkon okichijkej para uelis tetlapouiskej itech nochi Tlaltikpak, kinchijchiuaskej Biblias uan okseki amatlajkuilolmej.

 Watch Tower kijtoua tlen kineki kichiuas: “Kitematiltis itoka toTajtsin Dios, tlamachtis uan tlapaleuis”. “Kitematiltis iTlajtol toTajtsin Dios uan tlamachtis Jesucristo ueyi tekiua itech iTekiuajkayo toTajtsin Dios”, non tlen okachi miak ipati. Ompa uelis tlapaleuiskej akinmej kinyoleuaj uan amo porque kitlaniskej tomin. Nochtin akinmej ompa katej mopaleuiaj uan kinpaleuiaj tokniuanj itech Cuerpo Gobernante tlen kipiaj iTlaixpantijkauan Jehová.

 Itech nochi tlaltikpak amo san timotokayotiaj Watch Tower Bible and Tract Society of Pennsylvania itech sekimej altepemej tekiuajkej techixmatij ken: “La Torre del vigía”, “Watch Tower” uan “Watchtower”.

 Ijkuak opejki titekipanouaj uan tekiuakej yitechixmatij, opejki tikchiuaj seki tlamantli ken:

•   Tikinmijkuilouaj uan tikinchijchiuaj amatlajkuilolmej. Yotikinchijchijkej kanaj 220 millones Biblias uan kanaj 40 mil millones amatlajkuilolmej itech kanaj 900 tlatlamantli tlajtolmej. Itech página jw.org miakej ueli kitlajtoltiaj Biblia, kanaj ika 160 tlajtolmej, amitlaj kitlaxtlauaj uan kajsij miak tlamantli tlen kinekij kimatiskej, ken: “¿Tlen iTekiuajkayo toTajtsin Dios?”.

•   Titlamachtiaj. Titlamachtiaj ika Biblia. Itech xiuitl 1943 opejki sekimej momachtiaj Biblia itech Galaad, uan nin yokinpaleui kanaj 9,000 iTlaixpantijkauan Jehová mamochiuakan misioneros noso matetlapouikan itech nochi tlaltikpak. Noijki, sapanoua miakej (amo iTlaixpantijkauan Jehová) kinmachtiaj ijkuak monechikouaj sejse semana. Noijki miakej tikinmachtiaj matlajkuilokan uan makimatikan ken kitlajtoltiskej se amatl uan otikchijchijkej se amatlajkuilol itech 120 tlatlamantli tlajtolmej.

•   Tikinpaleuiaj oksekimej. Tikinuikiliaj tlen okachi moneki ijkuak tlaxixini noso panoua okseki tlamantli tlen amo kuali. Ijkuak omoteuijkej itech altepetl Ruanda itech xiuitl 1994, otitlapaleuijek, noijki otitlapaleuijkej ijkuak otlalolinki altepetl Haití itech xiuitl 2010.

 Maski miak tlamantli yotikchijkej, tinochtin akinmej tikchiuaj ken Cristo moneki titetlapouiskej uan titlamachtiskej tlen kijtoua Biblia (Mateo 24:14; 28:19, 20). Tejuan tikmatokej toTajtsin Dios techpaleuia uan techteochiua (1 Corintios 3:6, 7).