HLALA UPHAPHEME
I-COVID Isibulele Abantu Abangu-6 miliyoni—IBhayibhili Lithini Ngakho?
Umbiko okhitshwe yi-World Health Organization (WHO), uthi kusiyafika u-23 May 2022, i-COVID-19 ibisibulele abantu abangu-6,27 miliyoni. Kodwa umbiko okhitshwe ngabezindaba mhlaka 5 May 2022 utshengisa ukuthi inhlanganiso ye-WHO icabangela ukuthi inani labantu ababulewe ngumkhuhlane lo ledlula lapho. Yathi ngo-2020 lo-2021, ‘abantu ababulawa yi-COVID-19 lababulawa ngokunye okuhambisana layo bangaba yi-14,9 miliyoni.’ IBhayibhili lithini ngenhlupho zonke lezi?
IBhayibhili lavele latsho ukuthi kuzakuba lemikhuhlane eyingozi
UJesu wathi kwakuzakuba “lemikhuhlane emibi” ‘ensukwini zokucina.’—ULukha 21:11, 2 KuThimothi 3:1.
Isiphrofetho leso esakhulunywa nguJesu siyagcwaliseka namuhla. Ukuze uzwe okunengi bala isihloko sesiZulu esithi, “Zibonakala Ngani ‘Izinsuku Zokugcina,’ Noma ‘Isikhathi Sokuphela’?”
IBhayibhili liyasiduduza
‘UNkulunkulu wenduduzo yonke usiduduza kuzo zonke inhlupho zethu.’—2 KwabaseKhorinte 1:3, 4.
Banengi abantu abafelwe yizihlobo zabo abaduduzwe yilokho okutshiwo liBhayibhili. Thola okunengi ezihlokweni ezithi “Ukulwisana Lobuhlungu Bokufelwa—Ongakwenza” lesithi “Okunganceda Abafelweyo.”
IBhayibhili liyasitshela ukuthi inhlupho lezi zizaqedwa njani
“UMbuso wakho kawuze. Intando yakho kayenziwe emhlabeni njengasezulwini.”—UMathewu 6:10.
Sekuseduze ukuthi ‘uMbuso kaNkulunkulu’ uqede konke ‘ukugula.’ (UMakho 1:14, 15; U-Isaya 33:24) Bukela ividiyo ethi Uyini UMbuso KaNkulunkulu ukuze uzwe okunengi ngoMbuso lo osezulwini lalokho ozakwenza.
IBhayibhili lilamacebo lezithembiso ezingakunceda wena lemuli yakho. Yikho siyakucela ukuthi ulibale ukuze uzwe okunengi okukulo.
Nanku Okunye
IMIBUZO YEBHAYIBHILI IYAPHENDULWA
IBhayibhili Lithini Ngemikhuhlane?
Abanye abantu bacabanga ukuthi imikhuhlane luswazi uNkulunkulu ajezisa ngalo abantu namuhla kodwa lokhu ayisikho okufundiswa liBhayibhili.
ESSENTIAL BIBLE TEACHINGS
Yindaba UNkulunkulu Evumela Ukuhlupheka?
IBhayibhili lilezimpendulo eziduduzayo.
