Ibhukwana Lamamephu EBhayibhili
Ibhukwana elithi ‘Bona Izwe Elihle’ lilamamephu angakunceda nxa ubala iBhayibhili. IBhayibhili likhuluma ngezindawo ezitshiyeneyo kanye lamadolobho atshiyeneyo. Ukusebenzisa ibhukwana leli kuzakunceda uzwisise okubalayo. Lizakunceda ukubone ngelihlo lengqondo okwakusenzakala kanye lendawo okwakusenzakala kuzo. Uzazwisisa lokuthi kungani izinto okukhulunywa ngazo zenzakala endaweni ezenzakala kuyo.
Ibhukwana leli lilamamephu lamatshathi atshengisa indawo ezitshiyeneyo okukhulunywa ngazo eBhayibhilini. Liphinda libe lemidwebo kanye lokunye okuzakunceda nxa utaditsha iBhayibhili.
Ibhukwana leli lizakunceda ukuthi
uzwisise izindawo ezahanjwa ngu-Abrahama, u-Isaka loJakhobe
uzwisise uhambo lwama-Israyeli esuka eGibhithe esiya eLizweni Lesithembiso
ubone indawo ama-Israyeli ayehlala kuyo lokuthi izitha zawo zazihlala ngaphi kwendawo leyo
ubone indawo ezahanjwa nguJesu ngesikhathi etshumayela
uzwisise ubukhulu bemibuso okukhulunywa ngayo eBhayibhilini enjengeBhabhiloni, iGrisi leRoma
Ungazitholela ibhukwana leli ku-inthanethi.
Nanku Okunye
AMATHULUZI OKUTADITSHA IBHAYIBHILI
UMbhalo Wosuku
Ibhukwana elithi Ukuhlola IMibhalo Nsuku Zonke lilevesi yeBhayibhili yelanga ngalinye lemicijo etshengisa ukuthi ivesi leyo isebenza njani.
AMATHULUZI OKUTADITSHA IBHAYIBHILI
I-Encyclopedia YeBhayibhili
Ibhuku elithi Insight on the Scriptures likhuluma ngezinto ezinengi okugoqela abantu, izindawo, izilimo, izinyamazana, izenzakalo eziqakathekileyo, lokungabe kutshiwo ngamanye amabala aseBhayibhilini. Nxa ungadawuniloda ibhuku leli uzathola amamephu, imifanekiso, imizekeliso loluhlu lwezihloko lemibhalo.
AMATHULUZI OKUTADITSHA IBHAYIBHILI
Isifinqo SeBhayibhili
Ibhukwana elithi The Bible—What Is Its Message? likufinqa kuhle okukhulunywa liBhayibhili futhi lizakunceda uzwisise ukuthi iBhayibhili likhuluma ngani.