Bhaibheri Ringandibesera Kuti Ndive no Mbhuri Inodakajisa?
Mupinguro wo Bhaibheri
Hina. Vonanyi muezaniso munganai jo mazano aushoni akacijikira mu Bhaibheri ari kubesera vanarume no vanakaji vakawanda kuti vave no mbhuri inodakajisa:
Tarisanyi mucadho wenyu. Kupona mukuzwirana no mbhiko yomakaita pa njiku yo makacadha, zvinoita kuti muve no mbhuri inodakajisa.—Mateu 19:4-6.
Khombijanyi kuti munodisana no kureremejana. Izvo zvinobatanija kutaja womakarovorana naye inga manera omaidakarira kutajwa.—Mateu 7:12; Vaefeso 5:25, 33.
Mucabhuya magama anokhuvaza umweni. Bhuyanyi mu njira yaushoni, pikija mudoni wenyu wananga kana kuita zviro zvamunyangajisa. (Vaefeso 4:31, 32) Pana Mazwi Akangwara 15: 1, Bhaibheri rinoti: “Mupinguro wakapfava unonyaraja uxungu; izwi rinobaya rinobwakija uxungu.”
Ivanyi mundhu anothembeka. Khombijanyi rudo ku mundhu wamakarovorana naye basi. (Mateu 5:28) Bhaibheri rinoti: “Mucadho ngaureremejwe ngo vese. Mubhedhu wo vandhu vakacadha ngaugare wakacena.”—Vahebheru 13:4.
Jijisanyi vana venyu ngo rudo. Mucava mundhu anotendera zvakashata zvinoitwa ngo vana venyu nee mucadova mundhu anopangira ngo hasha.—Mazwi Akangwara 29:15; Vakorose 3:21.
Zvimweni Zvamungadakarira nga Izvi:
MBHURI YENYU INGAVA INODAKARA
Psakanyi Besero ra Mwari Kuitira Mucadho Unodakajisa
Ngo kushandisa mubvunjo muviri jakareruka jingamubesera kuti muzvikwanise.
VAKAROVORANA NO MBHURI
Kuti Mbhuri Idakare: Khombijirananyi Rudo
Basa, kuthimwa-thimwa, no zviitiko zvo zuva no zuva zvingaita kuti vaya vakarovorana vatame kuvonesa rudo wakakura kuno umweni. Kureva kuti rudo wokadi ungamusijihwazve?
NGO PAMUSORO PEDU
Kumbiranyi Kuvhakacihwa
Kuitira kukumbira kuvhakacihwa kuti mubhuisane ngo pamusoro po shwiro jo Bhaibheri kana kuda kuziva ngo pamusoro po urongwa hwedu hwo jijo yo Bhaibheri icikapagahwi, presherinyi forimurariyo iri mu saiti jw.org.