Dai kiner wat üler sin, dai häwe oiwersich gaud sijn ülrer papa un mama uppasse. Dai Bijbel sägt soo’s dai kiner muite “ine airste stel lëre un måke wat dai religion inlëre däit, doir sijn aigen familg gaud uppasse. Soo daue sai betåle wat sai kreege häwe fon sijn papa un mama . . . , un dit däit God gefale.” (1 Timóteo 5:4, Bíblia na Linguagem de Hoje) Wen dai kiner sich sicher sin dat sijn papa un mama uppasst ware, den daue sai dai papa un mama ëre soo’s dai Bijbel sägt. (Efésios 6:2 un 3)

 Dai Bijbel sägt ni genau wosoo as wij dai ülrer papa un mama uppasse muite. Åwer sai sägt fon reäl fruuges un kërls wat dit måkt häwe. Un dai Bijbel giwt uk gaur formånung tau dai wat sijn ülrer papa un mama uppasse muite.

•  Wosoo wek ine Bijbel häwe sijn üler papa un mama uppasst?

•  Wat fon gaur formånung giwt dai Bijbel tau dai wat sijn üler papa un mama behandle daue?

•  Is dat forkërd dai papa un mama henbringe up ain stel woo dai andrer eer behandle daue?

 Sai häwe dat ni oiwerain måkt, åwer häwe måkt wat beeter wäir tau jërer ainsig.

•   José däir wijdaf wåne fon sijne ule fåter Jacó. Glijk as hai kreege hät, hai hät sijne papa Jacó hålt taum dicht bij em wåne. José hät em hulpe taum air huus häwe, eeten un nog andrer daile. (Gênesis 45:9 bet 11 un 47:11 un 12)

•   Rute is wegtrekt fon sijne land taum bijblijwe t’hoop mit sijn swijgermuter un hät sër arbërt taum eer uppasse. (Rute 1:16 un 2:2, 17, 18 un 23)

•   Jësus, bits airer as hai doodbleewe is, hai hät aine uutsöcht taum sijn muter Marij uppasse. Kan sin sai wäir al witfruug. (João 19:26 un 27) a

 Wekmåls dai papa un mama wat al uld sin uppasse, kan oos muir un traurig låte. Åwer dai wårhëte wat ine Bijbel ståe koine helpe dai wat dat oiwersich häwe.

•   Ër dijn papa un mama.

   Wat sägt dai Bijbel: “Dau dijne papa un dij mama ëre.” (Êxodo 20:12)

   Wosoo koine wij dit någåe? Dau wijse dat’s duu dijn papa un mama ëre däist un ni ales uutsuike tau eer. Åwer låt dat sai sijn aigen uutsuiken måke daue oiwer wosoo sai gërn uppasst wile sin. Duu däist eer uk ëre wen’s duu ales måke däist wat’s duu kast taum eer mithelpe.

•   Forståe un forgeew.

   Wat sägt dai Bijbel: “Dai forständigkët fon dem mësche mökt dat dai ni soo licht wüütend wart, un wen air dem argre däit, is schöön dat dai dat besijdlöt.” (Provérbios 19:11)

   Wosoo koine wij dit någåe? Wen dat soo låte däit soo’s dijn papa un mama sin ni dankbår for dat ales wat’s duu måke däist taum eer uppasse, dau dij fråge, ‘Wosoo däir ik mij forneeme wen ik uk soo wat doirsete däir in eer stel?’ Wen’s duu dij anstrenge däist taum eer forståe un forgeewe, dai daile ware ni slechte.

•   Inenaner mit andrer fortele.

   Wat sägt dai Bijbel: “Wen ni inenaner fortelt wart, dat wat uutdacht is däit ni richtig geewe, åwer wen feel sin wat formånung geewe, den kåme gaure daile ruuter.” (Provérbios 15:22)

   Wosoo koine wij dit någåe? Dau saie wosoo as duu beeter dij drëgt krijgst mit dai gesundhët fon dijn papa un mama. Sai ais wat fon hülp is in dai stel woo’s duu wåne däist taum eer beeter mithelpe. Fortel uk mit andrer wat uk al sijn üler papa un mama uppasst häwe. Wen’s duu bruirers un swesters häst, dau eer t’hoopbringe un fortel mit eer wat jërer ainsig måke kan taum sijn papa un mama helpe.

•   Häw gaur forstand.

   Wat sägt dai Bijbel: “Dai klaukhët is bij dai wat gewöönlig sin.” (Provérbios 11:2)

   Wosoo koine wij dit någåe? Sai bet woo’s duu hengåe kast. Wij ale häwe air naig tijd un kraft wat wij forbruuke koine. Un dit däit dij mithelpe waite wofeel as duu måk krijgst. Wen’s duu oiwermuir büst dat’s duu dijn üler papa un mama uppasse däist, dau hülp forlange fon dai andrer fon dijne familg urer dai wat arbëre daue mit dai ülrer uppasse.

•   Denk uk an dij.

   Wat sägt dai Bijbel: “Ni air kërl hät sijne aigen körper hasst, åwer däit der ernääre un uppasse.” (Efésios 5:29)

   Wosoo koine wij dit någåe? Wen’s duu oiwer dij häst dijn üler papa un mama uppasse, duu must uk dij selwst uppasse. Un wen’s duu forfrigt büst duu must uk dijn familg uppasse. Duu must gaud eete, dij uutrooge un naug slåpe. (Eclesiastes 4:6) Hen un wen is gaud air dail måke wat dij lustig löt. Un wen’s duu dit måke däist duu krijgst beeter dijn üler papa un mama uppasse.

 Dai Bijbel sägt ni klår woo dai üler papa un mama wåne muite un uppasst ware. Wek familg daue uutsuike dai üler papa un mama uppasse in eer sij huus un andrer in der kiner sijne huus. Wek andrer daue forståe soo is beeter dai üler papa un mama henbringe up ain stel woo dai andrer eer uppasse daue. Jërer familg mut uutsuike wat beeter is tau jërer ainsig ine familg. (Gálatas 6:4 un 5)