Dat woord grega wat ine Bijbel nåsreewe woore is, “upleewen”, is anástasis, wat bedüürt “upståe” urer “werer ståen blijwe”. Wen air mësch upleewt wart, dai wart upricht fon dem dood, un wart werer dai mësch wat dai airste wäir. (1 Coríntios 15:12 un 13)

 Lijkerst dat, dat woord “upleewen” stäit ni in der Hebraica Sriwt, wat uk nent wart soo as Uld Testament, åwer dat inlëren stäit dår in. Soo as, God hät forspråke doir der profët Oseias: “Fon der kraft fom Graw måk ik juuch frai, fon dem dood måk ik juuch loos.” (Oseias 13:14, Jó 14:13 bet 15, Isaias 26:19 un Daniel 12:2 un 13)

 Woo ware dai lüür upleewt? Wek lüür ware upleewt taum im himel leewe, un t’hoop mit Kristus regijre. (2 Coríntios 5:1 un Apocalipse 5:9 un 10) Dai Bijbel sägt dit is dat airst upleewen urer dat upleewen wat airer passijre däit. (Apocalipse 20:6 un Filipenses 3:11) Den, dat wil säge dat, dat nog air anerd upleewen geewe däit, un dat twait upleewen is taum hijr upe Ër leewe un dai mëste lüür ware soo upleewt. (Salmo 37:29)

 Wosoo daue dai lüür upleewe? God hät Jësus, dai kraft geewt taum dai doore upleewe. (João 11:25) Jësus däit al dai lüür upleewe wat in “andenken grääwer sin”, jërer ainsig wart soo sin as dai airste wäir mit sijn aigen moors. (João 5:28 un 29) Dai wat upleewe daue taum im himel leewe, krijge aine gaist körper, åwer dai wat upleewt ware taum hijr upe Ër leewe, krijge aine nijge un gesund flaisch körper. (Isaias 33:24 un 35:5 un 6 un 1 Coríntios 15:42 bet 44 un 50)

 Wee wart upleewt? Dai Bijbel sägt, “dat dat air upleewen fom dood geewe däit, dai gerechte soo as dai ungerechte.” (Atos 24:15) Dai gerechte sin dai reälle lüür soo as, Noé, Sara,un Abraão. (Gênesis 6:9, Hebreus 11:11 un Tiago 2:21) Dai ungerechte sin dai wat God sijn belërunge ni horgt häwe, weegen sai häwe küüt ni oiwer God lëre.

 Åwer dai wat soo slecht woore sin, dat sai koine ni mër aners ware, ware ni upleewt. Wen soo’ne mësch doodblijwe däit, dai wart uutrot up ümer un dai kan ni mër luure upleewt ware. (Mateus 23:33 un Hebreus 10:26 un 27)

 Wonair däit dat upleewen passijre? Dai Bijbel sägt dat dat upleewen taum im himel leewe, däir passijre in dai tijd oiwer wen Kristus al regijre däir, un hai hät anfånge an regijre in 1914. (1 Coríntios 15:21 bet 23) Dat upleewen taum hijr upe Ër leewe däit passijre in dai duusend jårelang woo Jësus Kristus oiwer dai Ër regijre wart, wen dai gans Ër air paradijs ware däit. (Lucas 23:43 un Apocalipse 20:6, 12 un 13)

 Woweegen koine wij glööwe an dat upleewen? Dai Bijbel sägt oiwer neegen lüür wat upleewt woore sin fom dood, un bij jërer ainsig wäire lüür wat häwe küüt dat betüüge. (1 Reis 17:17 bet 24, 2 Reis 4:32 bet 37 un 13:20 un 21, Lucas 7:11 bet 17, 8:40 bet 56, João 11:38 bet 44, Atos 9:36 bet 42, Atos 20:7 bet 12 un 1 Coríntios 15:3 bet 6) Soo as, Jësus hät Lazarus upleewt as hai al fai dåg dood wäir, un hai hät dat måkt foir aine groot grup lüür. (João 11:39 un 42) Sogår Jësus sijn fainde häwe küüt ni säge dat wäir ni wår, dårweegen häwe sai sich indacht Jësus un Lazarus doodmåke. (João 11:47 un 53 un 12:9 bet 11)

 Dai Bijbel wijst dat God hät dai kraft un wil dai lüür upleewe wat al dood sin. Weegen sijn groot macht urer kraft, God wät jërer klair dail fon dem mësche wat hai upleewe wil. (Jó 37:23, Mateus 10:30 un Lucas 20:37 un 38) God kan dai doore upleewe un hai wil dat måke. Dai Bijbel däit säge oiwer dat upleewen wat passijrt in dai tijd wat nog kümt oiwer God: “Fom arbëd fon dijne häin duu warst forlangen häwe.” (Jó 14:15)

Loigen oiwer dat upleewen

 Loigen: Dat upleewen mökt dai sël werer in der körper.

 Wårhët: Dai Bijbel däit inlëre dat dai sël dai gans mësch is ni bloos air stük wat leewig blijwt nå dem dood. (Gênesis 2:7 un Ezequiel 18:4) Soo, dat upleewen däit ni bedüüre dai sël werer ine körper måke, åwer God däit der mësche werer måke.

 Loigen: Dat wek lüür upleewt ware un ware werer glijk uutrot.

 Wårhët: Dai Bijbel sägt, dai wat slecht daile måkt häwe, “ware upleewt taum gericht ware.” (João 5:29) Åwer, dës lüür ware gericht weegen dat wat sai måkt häwe nådem dat sai upleewt woore sin, ni wat sai airste fom dood måkt häwe. Jësus hät sägt: “Dai doore daue God sij Kind sijn stim hööre, un dai wat horgt häwe daue leewe.” (João 5:25) Dai wat horge daue dat wat sai lëre nådem dat sai upleewt ware fom dood, krijge eene nåme rinersreewe in “dai rul fom leewend.” (Apocalipse 20:12 un 13)

 Loigen: Dat wen air mësch upleewt wart, dai krijg der neemlige körper wat dai airste har airer as dai doodbleewe is.

 Wårhët: Nådem dood dem mësche sij körper wart stow, urer forgäit. (Eclesiastes 3:19 un 20)