Oonzapo dhaJehova pamwe naantu omamiliyona mboka dha hiya muuyuni awuhe, ohaya gongala lumwe momumvo ya dhimbulukwe eso lyaJesus, ngaashi e ya lombwela ye shi ninge. (Lukas 22:19) Oshiningwanima shika ohashi tu kwathele tu uve ko esimano lyaashoka Jesus a ninga, sho a yamba po omwenyo gwe, omolwetu. Otashi ulike wo nkene ekuliloyambo lye tali vulu oku tu kwathela monkalamwenyo yetu ngashingeyi nosho wo monakuyiwa. — Johannes 3:16.

 Kutya nduno oto ka kala pEdhimbuluko nuumvo nenge hasho, ongiini to vulu okumona mo uuwanawa mekuliloyambo lyaJesus? Jesus okwe tu lombwela tu ninge iinima iyali ya simana:

1.  1. Ilonga kombinga yaKalunga naJesus. Sho a li ta galikana kuHe gwomegulu, Jesus okwa ti: “Mboka ye ku tseya, Kalunga awike kashili, noya tseya wo Jesus Kristus, ngoka we mu tumu, oyo mboka ye na omwenyo gwaaluhe.” — Johannes 17:3.

2.  2. Tula miilonga shoka to ilongo. Jesus okwa tsu omuthindo kutya otwa pumbwa okutula miilonga omalongo ge monkalamwenyo yetu. Pashiholelwa, okwa hulitha Euvitho lye lyokOndundu ndyoka lya simana, ta pandula kehe ngoka ha “pulakene oohapu [dhe] e ta vulika kudho.” (Lukas 6:46-48) Pompito yilwe ishewe, okwa tile: “Ngashingeyi omu shi [uvite] ko. One aanelago, ngele tamu shi ningi.” — Johannes 13:17.

 Mbela ino hala okwiilonga oshindji kombinga yaKalunga naJesus? Mbela owa hala omayele ngoka taga vulu oku ku kwathela nkene wu na okutula miilonga shoka to ilongo? Mpano otapu landula iinima yimwe mbyoka tayi vulu oku ku kwathela.

 Oonkundathana dhetu dhopaMbiimbeli ndhoka hatu ningi naantu oshali, odha kwathela oyendji ya konakone Ombiimbeli noya tule miilonga shoka tayi ilongo, monkalamwenyo yawo.

•   Inda mpoka pwa nyolwa Guided Bible Study Course, opo wu mone uuyelele wa gwedhwa po.

•   Opo wu mone nkene Oonzapo dhaJehova hadhi konakona naantu Ombiimbeli, tala okavido Owa manguluka okukonakona Ombiimbeli.

 Oonzapo dhaJehova ohadhi gongala lwaali moshiwike kehe, mehala moka hadhi ningile elongelokalunga lyadho, hali ithanwa Oshinyanga shUukwaniilwa. Pokugongala kehe hoka, ohatu kundathana kombinga yOmbiimbeli nosho wo nkene tu na okutula miilonga omalongo gayo monkalamwenyo yetu.

 Kehe gumwe okwa manguluka okukala pokugongala hoka kutya nduno ke shi Onzapo yaJehova. Shi ikolelela konkalo yomoshitopolwa moka wu li, oto vulu oku ka gongala kOshinyanga ko kwene nenge okupitila momakwatathano gopaintaneta.

•   Opo wu mone shono hashi ningwa pokugongala kwetu, tala okavidio Oshike hashi ningwa pokugongala kwOonzapo dhaJehova?

•   Opo wu mone Oshinyanga shOonzapo dhaJehova shoka shi li popepi nangoye, inda kepandja lyetu mpoka pwa nyolwa Okugongala kwetu kwegongalo.

 Iitopolwa nosho wo uuvidio owundji kepandja ndika, otawu vulu oku ku kwathela wu ilonge oshindji kombinga yomalongo gaJesus noyongushu yekuliloyambo lye.

 Pashiholelwa, opo wu ilongo nkene eso lyomuntu gumwe tali vulu okweetela aantu omamiliyona uuwanawa, lesha oshitopolwa “Jesus okwa hupitha uuyuni — Ngiini mbela?” nosho wo “Omolwashike Jesus a li a hepekwa nokudhipagwa?” nenge wu tale okavidio Jesus okwa sile shike?