Aantu oyendji otaya dhiladhila kutya kapu na ekandulopo komaupyakadhi ngoka taga ka guma uuyuni, momukokomoko gwomumvo 2024. Nonando ongawo, otatu vulu okukala tu na etegameno lyonakuyiwa. Otatu li adha peni?

 Ombiimbeli oya uvaneka kutya Kalunga ota ka kutha po omaupyakadhi agehe, ngoka hage tu ningitha tu kale kaatu na etegameno kunena. Masiku, Kalunga “ota ka theta omahodhi agehe momeho [getu]. Oko noitaku ka kala we eso, oluhodhi, [elilo] nenge uuwehame.” — Ehololo 21:4.

•   Opo wu ilonge oshindji kombinga yomauvaneko gOmbiimbeli ge na ko nasha nonakuyiwa, lesha oshitopolwa “A Real Hope for a Better Tomorrow.”

 Ombiimbeli oye tu uvanekela etegameno lyonakuyiwa, ndyoka tali vulu oku tu kwathela tu kondjithe omaiyuvo omawinayi notu kale tu na etaloko ewanawa shi vulithe nale. (Aaroma 15:13) MOmbiimbeli omu na omayele omawanawa, ngoka taga vulu wo oku ku kwathela wu ungaunge nomaupyakadhi ngoka tashi vulika wu iyadhe mugo, ngaashi oluhepo, uukwaanuuyuuki nosho wo uuwehame.

•   Tala nkene etegameno ndyoka li li mOmbiimbeli lya kwathele omulumentu gumwe a kale e na ombili nokwa nyanyukwa, nonando okwa putukila muukwanegumbo wa hepa. Tala okavidio Juan Pablo Zermeño: Jehova okwa pa ndje onkalamwenyo yi na eityo.

•   Tala nkene Ombiimbeli tayi vulu oku ku kwathela wu ungaunge noonkalo ngaashi okukala wa yemata, okukala wu na iimpwiyu, uuna wa silwa nosho wo uuna wu uvite wu na ondjo. Lesha oshitopolwa “Can I Find Words of Comfort in the Bible?”

•   Tala nkene gumwe ngoka a li nale omukwiita nokwa li i itala ko e li “omuntu omwiinayi nokee na ko nasha,” a vulu okukala e na etegameno, sho i ilongo kombinga yOmbiimbeli. Tala okavidio I Put Down My Rifle.

 Omumvo 2024, otagu vulu okukala omwaanawa kungoye nosho wo kaantu yaandjeni. Ilonga oshindji kombinga yankene Ombiimbeli tayi vulu oku ku kwathela. Kambadhala okukonakona Ombiimbeli natse oshali. Ilonga nkene Kalunga ta vulu oku ku pa ‘omadhiladhilo gelago’ ngashingeyi nosho wo “onakuyiwa netegameno.” — Jeremia 29:11.