Azi gba ndo hũ ya, ta ye mɛ na onzingɔ akpale ti siɔni mɛ na singɔ na bulu ti 2024 da ma. Abɛse ngaso ko, elengbi ti dungɔ na nzɔ̃ dangɔ bɛ na lo ti bi mɛ na gangɔ. Elengbi ti luangɔ nzɔ̃ dangɔ bɛ ni ka wa?

 Ngbangɔ ko kapa ya, Nzapa na onzingɔ aye zu mɛ ndo li ya, azi zanga nzɔ̃ dangɔ bɛ ndɛ. Angbã yakere Nzapa “mbó ngulɛ zu na lɛ [e], ta kwá na dungɔ da fãni mɛndɛ̃ da ma, ta gwengɔ ndo kwá na dungɔ da ma, ta demangɔ tɛrɛ ná pɛnɔ nga na dungɔ da ma.”—Suma 21:4.

•   Ti nɛngɔ ya, mɔ hĩnga akpale gba na ndo nzɔ̃ dangɔ bɛ ti bi mɛ na gangɔ ko, di bɛli tɛnɛ mɛ “Bɛta nzɔ̃ dangɔ bɛ na lo ti bi mɛ na gangɔ.”

 Akapa ti ya Ngbangɔ alengbi ti zangɔ mɔ ya, mɔ zia dungɔ na bingangɔ li ti siɔni, wa mɔ du na bingangɔ li ti nzɔ̃ni na lo ti bi mɛ na gangɔ. (Roma 15:13) Awangɔ ti ya Ngbangɔ alengbi ti zangɔ mɔ ya, mɔ gbe bɛ mɔ na ya akpale ti pɛnɔ mɛ mɔ ndo tengbi na ni ndɛ mabere, yɛrɛ, zangangɔ mbilimbili nga na ngã.

•   Ba se mɛ nzɔ̃ dangɔ bɛ ti ya Ngbangɔ aza kɔli kɔi ya, lo du na siriiri nga na dengɔ bɛ abɛse akãndó lo kaya ndasewa mɛ na yɛrɛ. Ba video Juan Pablo Zermeño: Yehova apesi ngai bomoi ya ntina mingi.

•   Ba se mɛ ngbangɔ lengbi ti zangɔ mɔ na ngoi mɛ mɔ nzɛ̃, sɔngɔ bɛ aɔ ndo m bere vundu aɔ ndo mɔ na lo ya, zo ti ndasewa tɛ mɔ kɔi akpi. Di bɛli tɛnɛ mɛ “Biblia ekoki kobɔndisa ngai?”

•   Ba se mɛ wali kɔi mɛndó soda wa lo ndo tɛnɛ ya, ni du “siɔ zo nga zo mɛ ta ndo ma vundu tɛ azi ma” aluandó nzɔ̃ dangɔ bɛ na lége ti mandangɔ Ngbangɔ. Ba video mɛ Nabwakaki mandoki.

 Li ya, bulu ti 2024 adu bulu ti nzɔ̃ni na lo tɛ mɔ nga na lo tɛ azi ti ndasewa tɛ mɔ. Manda akpale gba mɛ alo kaya Ngbangɔ ti hĩngangɔ se mɛ ni lengbi ti zangɔ mɔ. Manda Ngbangɔ gɛgɛrɛ. Manda se mɛ Nzapa lengbi ti hɛ̃ngɔ mɔ “siriri ti bɛ” bandangɔ ndɛ nga na “nzɔ̃ dangɔ bɛ na lo ti bi mɛ na gangɔ.”​—Yirimia 29:11.