MWAHA 18
Nni Naasuwele Hai Akristu Eeparipari?
Mamilyawu aachu annaloca wi Akristu. Nyenya tahi wi oothene arino soororomela imohamoha, naari anachariha malakiheryo mamohamoha. Vano nni naasuwele hai Akristu eeparipari?
1. Mukristu taani?
Akristu oohuserya, naari oomuchara a Yesu Kristu. (Mwaalakhanye Saweriwa T’arummwa 11:26.) Ti mwawiihai awo anooniheryaaya wi oomuchara a Yesu? Owo oriye: “Moomwi mukhalaru mmasu aka, muri chiri oohuserya aka.” (Yohani 8:31) Eyo enataphulela wi Akristu eeparipari anaphwanela wiiwelelaka mahusiheryo a Yesu. Nave hiiha ntoko Yesu aaphariheleiye Soorepa wi avuwiheno mahusiheryo awe, Akristu eeparipari soororomela saya inathipeleya Mpiipiliyani.—Mwaalakhanye Luka 24:27.
2. Ti mwawiihai Akristu eeparipari anooniheryaaya osivela?
Yesu aaloca wa oomuchara awe: “Mukhwelaneke mukina ni mukhwaawe, ntoko miyo tho kookhwenlaakaani.” (Yohani 15:12) Ti mwawiihai Yesu oonihenryeiye wi aanaasivela oohuserya awe? Owo aanamaliha elukuluku ni yaawo, aanaalipiha nave aanakhaviherya. Ophiyerya wi owo aavaha ekumi awe ntakhara yaawo. (1 Yohani 3:16) Mmukhalelo woolikana, Akristu eeparipari annapaka sincipale ohiya pahiru oloca sa osivela. Awo annooniherya orweela mmasu ni mu saweera saya wi annasivelana mukina ni mukhwaawe.
3. Akristu eeparipari anaweiwa ni muteko taani?
Yesu aahaavaha muteko oohuserya awe. “Aahaaruma olaleerya omwene wa Muluku.” (Luka 9:2) Akristu oopacerya yaanalaleerya, ohiya pahiru mmapuro a malapelo nyenya tho mmapuro awaaciwamo ni mmavaate mwa achu. (Mwaalakhanye Saweriwa T’arummwa 5:42; 17:17.) Moolikana tho olelo Akristu eeparipari annalaleerya iparipari sa Mpiipiliyani mmapuro ari oothene yaawo onaphwanyeyamo achu. Awo annaasivela amwaacamani aya, nave moohakalala annapharihela elukuluku ni ikuru saya wi ewerye oloca michaka sa Mpiipiliyani inavaha ewehereryo ni nlipiho.—Marko 12:31.
OHUSERYA MWAWIISEELA
Muthokororye mukhalelo wa waahiyaniha Akristu eeparipari ni achu yaawo ahinachariha mahusiheryo ni yootakiherya ya Yesu.
4. Awo annaavya iparipari sa Mpiipiliyani
Akristu oopacerya yaanoona Masu a Muluku okhala echu yoochuneya
Tahi wi oothene aniiseera Akristu annacicimiha iparipari sa Mpiipiliyani. Moone EXILEMA, nave voocharela muthokororye nikoho nnacharela.
-
Ti mwawiihai ikerexa sikina seiho siniisera okhala Seekristu sihinahusihaaya yeeyo Yesu ohusinheiye?
Yesu oohusiha iparipari sa Masu a Muluku. Mwaalakhanye Yohani 18:37, nave voocharela muthokororye nikoho nla:
-
Mwawiiwanana ni Yesu, ti mwawiihai nneeraahu naasuwele Akristu “eeparipari”?
5. Awo annalaleerya eparipari ya Piipiliya
Akristu oopacerya yaanaalaleerya akina
Yesu ahaakumve okookela wirimu, owo aahaavaha muteko oomuchara awe yoowo oneeriwano olelo. Mwaalakhanye Mateu 28:19, 20 ni Saweriwa T’arummwa 1:8, nave voocharela muthokororye nikoho nla:
-
Ti liini muteko woolaleerya waahaalaaya omala nave waahaala olaleeryiwa ophiyerya woowi?
6. Awo anneerano yeeyo analaleeryaaya
Tiheeni yaamulekenche mulopwana mmoha awiichaniwa Tom wi aahaaphwanya Akristu eeparipari? Moone EXILEMA, nave muthokororye makoho anacharela.
-
Mu exilema, tiheeni yaamweerinhe Tom ohiya ekerexa?
-
Tiheeni yaamulekenche wi oophwanya eparipari?
Opaka ichu ti waphaama opwaha weemulocaru. Mwaalakhanye Mateu 7:21, nave voocharela muthokororye nikoho nla:
-
Mwawiiwanana ni Yesu ntakhara heeni honaakhwana oloca pahiru wi ninnamuchara?
7. Awo annasivelana mukina ni mukhwaawe
Akristu oopacerya yaanasivelana mukina ni mukhwaawe
-
Mu exilema, tiheeni yaamuceenyenrye Lloyd ohela ekumi awe va yawoopiha wi amukhaviherye Munna Johansson?
-
Nyuwaano munoona wi owo aaheera ichu ntoko Mukristu eeparipari?
Mwaalakhanye Yohani 13:34, 35, nave voocharela muthokororye makoho anacharela:
-
Ti mwawiihai oohuserya a Yesu (Akristu eeparipari) anaakhalihaaya achu oohiyana mwiili naari nloko?
-
Ti mwawiihai awo yaahaalaaya weerano yeeyo mu elukuluku ya ekhoco?
ACHU AKINA ANI: “Akristu annapaka ichu sootakhala—eni ewerye hai okhalano malapelo eeparipari?”
-
Yoorepa taani mwaahaalaanyu opharihela wi nwerye owooneiha mukhalelo wa waasuwela Akristu eeparipari?
MUKWASU
Akristu eeparipari annachariha mahusiheryo a Piipiliya, annooniherya osivela weeparipari nave annalaleerya eparipari ya Piipiliya.
Makoho awuuluulela
-
Akristu eeparipari soororomela saya inathipeleya moomi?
-
Mikhalelo taani sinawooneiha Akristu eeparipari?
-
Muteko taani Akristu eeparipari anapakaaya?
OTHOLATHOLA
Muhuserye sincipale vooloca sa nikhuuru na achu nniilipiserya ochariha yootakiherya ni mahusiheryo a Yesu Kristu.
Moone tiheeni yaamukhavihenrye muthiyana mmoha yoowo aari mukatolika ophwanya “emusi yeeparipari yoomunepani.”
“Elas respondiam minhas perguntas usando a Bíblia” (A Sentinela, 1.º de abril de 2014)
Muhuserye mukhalelo Akristu eeparipari anooniheryaaya osivela wa anna ni arokora aya yaawo anachuna nikhaviheryo.
Ajuda humanitária a irmãos em áreas de desastres —Trecho (3:57)
Muthokororye yeeyo Akristu a mmahiku ahu anapakaaya hiiha ntoko Akristu oopacerya yeeyo yaahaala waasuwanyeiha oomuchara a Yesu.
“O que identifica os cristãos verdadeiros?” (A Sentinela, 1.º de março de 2012)
