MATINEMIKAN KEN CRISTO
Yeyi tlemach tlen techpaleuiya matikteititikan ika titlaneltokaj itech Jehová
David ouel okitlan Goliat pampa otlaneltokak itech Jehová (1Sa 17:45). Jehová kineki kinpaleuis nochimej akin imiuan nouika (2Cr 16:9). ¿Tlenon uelis tikchiuaskej para tikteititiskej ika xsan totech titlaneltokaj, yej titlaneltokaj itech Jehová? Matikitakan yeyi tlemach.
-
Nochipa xchiua teoyotl. Maka san xchiua teoyotl para tiktlajtlanilis Jehová mamitstlapopolui ijkuak yotikchiuj itlaj tlen xkuajli, yej noijki xtlajtlanili mamitspaleui maka tikchiuas itlaj tlen xkuajli (Mt 6:12, 13). Maka san xtlajtlanili Jehová makiteochiua tlen tejua yotiktlapejpeni tikchiuas, yej xtlajtlanili mamitspaleui achto itlaj tiktlapejpenis tikchiuas (Snt 1:5).
-
Mojmostla xpoua niman xmomachti Biblia. Mojmostla xpoua Biblia (Sl 1:2). Xtlanemili itech tlen okichiujkej tlakamej niman siuamej akin noteneuaj ipan Biblia, xkita tlenon mitsmachtiaj niman xchiua tlen intech otiuel (Snt 1:23-25). Xmomachti achto tontenojnotsas niman maka san motech xtlaneltoka. Niman tla tikneki más mamitspaleuikan tlanechikoltin, xmomachti nochi tlen nopanoltis.
-
Xtlapaleui ipan ikalpan Jehová. Nochipa xkita tlen technauatia ikalpan Jehová niman nimantsin xtlakamati (Nú 9:17). Noijki ijkon xchiua ijkuak tlayekankej kijtoskej ika itlaj noneki nochiuas ipan tlanechikojli (Heb 13:17).
XKITAKAN VIDEO ¡MAKA XMOMOJTIKAN IJKUAK MECHTLAUELTOKASKEJ!, SAKIN XNANKILIKAN YEJUIN:
• ¿Tleka nomojtiayaj tokniuan akin ouajneskej ipan video?
• ¿Tlenon okinyolchikauj?