Kema, pampa toTajtsin kineki matosentlalikan niman ijkon tikueyichiuaskej. Biblia kijtoua: “Ma tiknemilikan kenijki uelis tikinyoleuaskej oksekimej para ma notlajsojtlakan niman para ma kichiuakan on tlen kuajli. Niman maka no ijki ma tikchiuakan ken sekimej yejuan xok nosentlaliaj touan” (Hebreos 10:24, 25).

 Jesús okiteititi ika inomachtijkauan nonekiya nosentlaliskej, ijkuak okijto yejuin: “Tla nemotlajsojtlaj inuan oksekimej, nochi tlakatl kitas ika nennotemachtijkauan” (Juan 13:35). Inomachtijkauan Cristo ueliskiaj kiteititiskej ika melauak notlasojtlaj, ijkuak nosentlaliskiaj ipan tlanechikojli niman ijkon san sekan kiueyichiuaskej toTajtsin (1 Corintios 16:19). Niman nochimej noitaskiaj ken ikniujtin (1 Pedro 2:17).

Xsan noneki tinemiskej ipan se religión

 Biblia kijtoua ika noneki tosentlaliskej para tikueyichiuaskej toTajtsin, san ika, xkanaj kijtoua tla san noneki tinemiskej ipan se religión niman ijkon tikyolpaktiskej toTajtsin, noneki tikchiuaskej tlen tiueltiuej. Biblia kijtoua: “On tlaneltoktli yejuan xkipiya ijtlakauilistli, yej kipiya chipaualistli ixpan Dios, kijtosneki ika on tlakatl kimpaleuis iknomej niman siuakaualtsitsimej ika on tlen kimpoloua, niman xkichiuas on tlen xkuajli yejuan kichiuaj on tlaltikpaktlakamej” (Santiago 1:27).