Tokologa e tagata ne onoono ke he akau fakalava ko e fakamailoga faka-Kerisiano. Pete ko e tau Kerisiano e Tau Fakamoli a Iehova, nakai fakaaoga e mautolu e akau fakalava he tapuakiaga ha mautolu. Ko e ha?

 Taha kakano kua fakakite mai he Tohi Tapu ne nakai mate a Iesu he akau fakalava ka e he pou. Mua atu ai, hataki fakamalolō he Tohi Tapu e tau Kerisiano “kia fehola kehe ai a mutolu he hufeilo ke he tau tupua,” kakano ai ke nakai fakaaoga e akau fakalava he tapuakiaga.​—1 Korinito 10:14; 1 Ioane 5:21.

 Mua atu e aoga, pehē a Iesu: “Ko e mena ia ke iloa ai he tau tagata oti kana, ko e haku a tau tutaki a mutolu, ka feofanaki a mutolu.” (Ioane 13:34, 35) Ko e mena ia ati fakakite e Iesu ko e fakaalofa foaki noa​—nakai ko e akau fakalava po ke ha mena fakatai​—ka kitia ai e tau tutaki mooli haana.