Fakaholo a Bob he 100 kilomita he mafiti, ko e aho makalili mo e havili i Alberta, Kanatā, ti pā e hui tua he vene he faahi hema. Nakai iloa e Bob e mena ne tupu, ti manamanatu a ia ke fakaholo ke he lima e kilomita ke he kaina haana.

He tohi ne fakafano e Bob ke he Fale he Kautu he Tau Fakamoli a Iehova, ne fakamaama e ia e mena ne tupu. “Tokolima e fuata ne fakaholo tata mai ki a au mo e vilo hifo e hio,” ne tohi e ia. “Pehē a lautolu ki a au kua pā e hui he vene. Ti tutū a mautolu he kala puhalatū mo e pehē ke hiki e lautolu e hui he vene. Nakai iloa e au ko e fai hui spare po ke fai sieke. He nofo au he kala puhalatū he nofoa fakataveli haaku, ne totolo a lautolu ki lalo he vene ti moua e hui mo e sieke, ti hiki e hui he vene. Kua makalili lahi mahaki mo e tō e sinō. Tui a lautolu he tau mena tui mitaki ka e lagomatai e lautolu au ti fano au ki kaina. Nakai fakaai au ke taute tokotaha e mena ia.

“Fakaaue lahi ke he tau fanau Fakamoli tokolima ne lagomatai a au. Ko e o atu a lautolu ke he matakavi ia ke fakamatala ke he taha fale mo e taha fale. Ko e tau fanau nei kua taute mooli e mena ne fakamatala a lautolu ki ai. Kua lagomatai e lautolu au mai he tuaga uka ne nakai maeke au ke taute, mo e loto fakaaue au ki a lautolu. He iloa e hai ko e tau fuata totonu nei he puhalatū he aho ia?”